Entre outras actividades están previstas en colexios lucenses charlas sobre violencia de xénero ou a prevención de delitos sexuais, así como outras temáticas de interese para os escolares
Vilalba, 7 de marzo de 2024. A subdelegada do Goberno en Lugo, Isabel Rodríguez, participou na xornada arredor do 8 de marzo, Día Internacional da Muller, organizada no marco do Plan Director da Garda Civil para a convivencia e a mellora da seguridade nos centros educativos e a súa contorna. A actividade proposta foi a difusión do traballo que fan as mulleres dentro dos corpos da Garda Civil e a Policía Nacional, grazas á colaboración entre este plan e a Unidade de Participación Cidadán. A subdelegada recoñeceu que este tipo de charlas sobre mulleres son importantes xa que axudan a dar visibilidade a unha realidade crecente e a reducir o estigma de que estas profesións son tan só masculinas.
A subdelegada puxo en valor que todo o traballo que están a realizar e desenvolver estas axentes serve “para dar a coñecer a mulleres referentes que desenvolven a súa vida profesional en sectores nos que tradicionalmente non tiñan presenza algunha, amosando unha opción de futuro para as nenas lonxe de estereotipos sexistas”.
“Esta pode ser unha boa oportunidade para escoitar o seu día a día e como actúan e traballan na protección e defensa cidadá, un labor moitas veces invisibilizado e incluso infravalorado” declarou a subdelegada.
Interviron nas charlas Ana Isabel Caleya, sarxento de Seguridade Cidadá de Baralla; Sonia Yolanda Santiso, do Equipo de Investigación Tecnolóxica da UOPJ; Mª José Andia, do equipo de Intervención de Armas e Explosivos de Vilalba; e Jessica Veiga, de atestados do Subsector de Tráfico en Lugo.
Na xornada, preto de 200 alumnas e alumnos de 4º da ESO e 1º de Bacharelato mais o equipo docente do IES Santiago Basanta Silva de Vilalba, puideron botar unha ollada ás diferentes especialidades, formacións e cometidos que realizan estas axentes de Policía e Garda Civil nos seus postos e coñecer un pouco máis as súas funcións.
Máis formación para o alumnado
Esta é unha das moitas charlas e exhibicións que realiza á Garda Civil para escolares. Entre outras actividades están previstas en colexios lucenses charlas sobre Violencia de Xénero ou a prevención de delitos sexuais, así como outras temáticas de gran relevancia tamén como son as drogas e o alcohol, a ciberseguridade, acoso escolar ou a protección de datos, entre outros.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
