O voceiro popular da Fonsagrada reclama ao alcalde “maior preocupación” por garantir uns accesos adecuados aos núcleos de poboación, sobre todo naqueles máis afastados, como unha das medidas que se poden poñer en marcha para loitar contra o despoboamento que sofre o municipio
A Fonsagrada, 8 de marzo de 2024. O voceiro do PP de A Fonsagrada, Bernardo Niño, pide ao alcalde o “arranxo urxente” dun camiño que dá servizo a catro casas en Barcela de Arriba, “un camiño polo que non pasa unha ambulancia”.
Bernardo Niño esixe “maior preocupación” ao rexedor municipal para dotar dun acceso adecuado a estas vivendas para “garantir que en caso de emerxencia poidan chegar os servizos sanitarios”. “Hai pouco que tiveron que chamar a unha ambulancia e entre o estado da estrada provincial pola que se chega e o mal estado deste camiño, os sanitarios tiveron moitas dificultades para chegar, polo que os veciños temen que a próxima vez non poidan pasar”, explicou.
Unha situación que se repite “lamentablemente” non asiduidade. Algúns destes veciños explicaron aos concelleiros do PP que hai pouco unha furgoneta de transporte non puido levar ata a vivenda un colchón que mercaron “e menos mal que os transportistas tiveron a ben levalo a pé ata a casa dada a idade dos veciños que o mercaron”.
Bernardo Niño lamenta esta situación “que se repite en moitas parroquias”. “Se queremos loitar contra o despoboamento que sufrimos na Fonsagrada o rexedor debería de preocuparse, cando mínimo, de garantir uns accesos adecuados ás vivendas, sobre todo naqueles núcleos máis afastados”, explicou.
Bernardo Niño recorda que xa no pasado mandato pediuse no pleno municipal a creación dun plan de arranxo de camiños con criterios obxectivos e públicos para dar “as mesmas oportunidades a todos os veciños e acadar unhas vías municipais en bo estado en todo o concello”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
