A concelleira de Mercados sinala que se realizaron modificacións nas bases co obxectivo de “adxudicar todos os postos, que non queden descubertos como pasou noutras ocasións”
Viveiro, 21 de marzo de 2024. A Concellería de Mercados do Concello de Viveiro informa ás persoas interesadas en ser adxudicatarias dun posto na praza de Abastos que está previsto publicar a súa licitación nas vindeiras semanas.
A concelleira Iria Cotelo destaca que antes de licitar os postos “foi preciso realizar unha primeira valoración do estado do edificio e dos posibles usos do mercado, de cara a realizar unha reforma integral da praza de abastos”.
“Tras realizar esta primeira valoración, podemos anunciar que nas vindeiras semanas sairán a licitación os postos da praza, unha boa nova agardada por todos e todas, xa que esta é unha das grandes demandas do colectivo praceiro e da veciñanza”, sinala Cotelo.
Como se informou anteriormente, as bases presentaranse modificadas, de cara a “obter unha maior diversidade no tipo de produtos da praza, así como mellorar a ordenación e os usos do mercado”, explica a concelleira.
“Estou convencida de que o tempo empregado en realizar estas valoracións e modificacións terá o seu froito, co obxectivo máis inmediato de conseguir adxudicar todos os postos, que non queden descubertos como pasou noutras ocasións”, afirma.
Os traballos que está a realizar a concelleira de Comercio e Mercados van encamiñados a “entrar na Rede de Mercados Excelentes, e que Viveiro conte nun futuro próximo cunha praza de Abastos dinámica, revitalizada e reformada”, explica.
Dende a Concellería sinalan tamén que volverán informar á cidadanía e ás persoas interesadas do momento da publicación da licitación.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
