Foz, 22 de marzo de 2024. O alcalde de Foz, Fran Cajoto, mantivo este mércores, 20 de marzo, unha reunión de traballo en Madrid coa subdirectora general de Conservación de Carreteras, Paula Pérez López, e con técnicos do Ministerio de Transportes. “Quero agradecer a boa disposición do Ministerio e da subdirectora para recibirnos. Foi unha xornada moi produtiva de traballo, na que recibimos a confirmación de que as rotondas de Cangas serán unha realidade neste ano 2024”, explica o rexedor municipal.
Fran Cajoto fai referencia á visita a Foz da anterior secretaria de Estado de Transportes, Isabel Pardo de Vera, a comezos do pasado ano 2023, na que “comprometeu e impulsou varios investimentos para Foz, que xa se están cumprindo. Coas dúas rotondas, no cruce de Gralleira – Ribela e na intersección coa estrada a Ferreira e o Centro Social de Cangas, eliminamos dous puntos negros e imos facilitar moito a mobilidade aos veciños. Xa se expropiaron os terreos necesarios, están consignados os fondos e a empresa encargada do mantemento da estrada nacional e da execución destes traballos está a comprobar a afección a distintos servizos antes de comezar a obra. É unha moi boa nova que neste ano 2024 se fagan realidade”.
O alcalde tamén tratou outros proxectos que Carreteras ten en marcha no Concello de Foz: “está moi avanzado o expediente de mellora da intersección da Corredoira entre as estradas N-642 e LU-152, que se aprobou definitivamente no Boletín Oficial do Estado. Non temos data de inicio de traballos, pero a súa execución é xa unha realidade, segundo nos trasladou a subdirectora”, destaca Cajoto.
Respecto ao Terceiro Acceso a Foz, o alcalde comentou que “a reunión foi moi produtiva. Expuxémoslle á subdirectora a necesidade de executar o proxecto completo do Terceiro Acceso nunha soa fase, incluíndo a conexión directa coa rúa Costa do Castro e un paso peonil á área recreativa do Bispo Santo. Estivemos traballando sobre os planos analizando as distintas problemáticas e estou moi satisfeito coa boa disposición do Ministerio para atender as necesidades do noso concello e da nosa vila”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
