Foz, 25 de marzo de 2024. A concelleira da Aula Universitaria da UNED Foz, Elena Martínez Pena, e a coordinadora da mesma, Marta Muiña Rodríguez, dan conta da nova programación formativa para o mes de abril. Presentan cinco actividades: unha exposición e catro cursos, para os que está aberta a inscrición.
A exposición, titulada A trata de persoas, forma parte das actividades programadas con motivo do Día Internacional da Muller, que se organizou en colaboración coa Concellería de Muller e Igualdade do Concello de Foz. Estará sita no Centro de Interpretación da Mariña (CENIMA) do 5 ao 26 de abril e xira en torno á explotación da muller. A través da mesma poderase aprender máis sobre esta realidade que se nos presenta dende o Servizo de Atención a mulleres vítimas de violencia, trata e explotación sexual de Cáritas Diocesana de Lugo.
En canto aos cursos de extensión universitaria, contarase cun Taller de creación literaria, no que se analizarán os diferentes elementos que compoñen un texto narrativo e se tratará de guiar ao alumnado no seu proceso de creación literaria. A focense Laura López-Leitón, escritora e docente, será a guía deste proceso creativo. As clases terán lugar do 2 de abril ao 16 de maio, os martes, mércores e venres, de 17 a 18 horas.
Entre o 4 de abril e o 6 de maio levarase a cabo unha formación dirixida a aquelas persoas que non teñen un bo dominio do castelán. Ofértase o curso de Español para estranxeiros, que ten como obxectivo que o alumnado incorpore a lingua castelá no seu ámbito persoal para satisfacer necesidades de tipo inmediato. Impartirase os luns e os xoves de 18:30 a 20:30 horas e a encargada de levalo a cabo será Leticia Veiga, docente de inglés e español e coautora do libro ESL Sentence Builders. Esta mesma docente impartirá tamén outro curso, Implantación da metodoloxía EPI (Extensive Processing Instruction) en idiomas, no que dará a coñecer unha novedosa metodoloxía para a ensinanza de idiomas, baseada na utilización de frases fixas do discurso que son habituais no uso diario, que a base de repetir e usar en distintas situacións e contextos, se van aprendendo por parte do novo falante. As clases terán lugar os martes, do 9 de abril ao 7 de maio, de 19 a 21 horas e estarán dirixidas a docentes.
Tamén orientado a profesionais da educación ofrécese o curso Actualización de ferramentas TIC para docentes, que impartirá a profesora de inglés no IES de Foz e titora da UNED, Lucía Villarino. Tratará de achegar a este colectivo ao uso de ferramentas como Canva, Genially ou H5P e de inicialos no uso destes recursos no ámbito educativo. As clases serán os xoves, de 18 a 20 horas do 4 ao 25 de abril.
Estas actividades, como a meirande parte das que se ofrecen dende UNED, poden realizarse de maneira presencial e online en directo e en diferido. Para obter máis información pódese contactar coa Aula Universitaria de Foz no teléfono 982.133.699, no WhatsApp 604.034.549 ou por correo electrónico foz@lugo.uned.es.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
