A alcaldesa María Loureiro destaca que, a través deste servizo, “os mozos e mozas viveirenses poden recibir axuda para calquera trámite administrativo ou educativo que precisen”
Viveiro, 26 de marzo de 2024. A alcaldesa de Viveiro, María Loureiro, informa de que o Concello, a través da área de Xuventude, ten numerosos recursos a disposición da mocidade viveirense na Oficina Municipal de Información Xuvenil.
Loureiro destaca que, a través deste servizo, “os mozos e mozas viveirenses poden recibir axuda para calquera trámite administrativo ou educativo que precisen, facilitando o seu acceso aos múltiples recursos que as administracións teñen para eles e elas”.
A concelleira de Xuventude, Lara Fernández Fernández-Noriega, recalca que “dende o Concello seguiremos ampliando e fortalecendo os nosos servizos dirixidos á xente nova, favorecendo a súa participación na vida do municipio”.
A mocidade de Viveiro dispón deste servizo de atención diaria tanto presencial ou telemática para resolver as súas inquedanzas, así como recibir información, orientación e asesoramento para a realización de diversos trámites educativos. Entre eles están as solicitudes de acceso a estudos oficiais, as probas de acceso aos mesmos, a convalidación de estudos ou o traslado de expedientes.
Tamén se colabora dende esta oficina na tramitación da inscrición en distintas convocatorias de interese para a mocidade, como as probas libres de acceso a ciclos, as probas para a acreditación de idiomas, as axudas para a obtención do carné de conducir, os campamentos de verán e campos de traballo, o bono cultural, o emprego publico, a inscrición no proceso de recoñecemento da experiencia profesional ou as bolsas de mobilidade.
Neste senso, o Concello de Viveiro informa, así mesmo, de que acaba de abrir o prazo para solicitar a bolsa de estudos do Ministerio de Educación para todos os niveis de ensino postobrigatorio, xa sexa bacharelato, formación profesional de todos os niveis, grao e máster universitario, ensinanzas de idiomas ou ensinanzas artísticas. Na Oficina Municipal de Información Xuvenil asesórase na tramitación das mesmas, así como na presentación de documentación xustificativa.
Tamén informa o Concello de que no mes de maio está prevista a realización da xornada de orientación para alumnado de 4º de ESO e 2º de Bacharelato para ofrecer información sobre as convocatorias de residencias públicas para estudiantes e os prazos e procedementos de solicitude dos estudos superiores, así como para resolver dúbidas en xeral.
A oficina conta con perfís propios en redes sociais para difundir a información específica de interese para a mocidade. Esta información está dispoñible en instagram na conta @xuventudeviveiro, e en Facebook, na conta Xuventude Viveiro. Ademais, a oficina permanecerá aberta tanto hoxe, martes 26 de marzo, como mañá, 27 de marzo, antes de pechar durante os días festivos de Semana Santa.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
