Viveiro, 3 de abril, 2024. Continúa este concurso que se iniciou en xaneiro, e que tan boa acollida está a ter entre os clientes. Neste mes de Marzo os contadores puxéronse a cero e os clientes volveron a votar os que para eles son os seus empregados favoritos, tanto de comercio como de hostalaría.
Na categoría de comercio os gañadores do mes de Marzo foron empregados de Oscar Joyeros, Tere e Suso, e na categoría de hostalaría a gañadora foi Tamara do Mesón A Ría.
Emitíronse un total de 3.435 votos repartidos entre tódolos participantes, resultado que reflicte o gran interese que segue a ter esta iniciativa.
A participación neste terceiro mes foi de novo moi elevada, e as descargas da App incrementáronse notablemente dende que se puxo en marcha este concurso, polo que a valoración non pode ser mais positiva.
A partir do día un puxéronse de novo os contadores a cero e a xente xa pode votar para escoller ós empregados/as favoritos do mes de Abril, que xa será o último desta campaña.
O obxetivo desta campaña consiste en realizar un recoñecemento a todos os empregados, polo bo facer e pola atención ó público, xa que estar cara ó público moitas veces tórnase complicado, non sempre é doado atender as peticións dos clientes e por iso quérese premiar tanto a fidelidade dos clientes como o bo desempeño dos empregados.
A forma de participar é moi sinxela, só hai que descargar a App ViveiroCCH onde está habilitada a campaña co nome do Concurso e pódense ver todas as fotos dos empregados participantes e o negocio onde traballan.
Hai dúas categorías, por un lado comercio e por outro hostalaría. Os clientes poden realizar votacións tanto para comercio como para hostalaría, pero nunca votar 2 veces á mesma persoa.
O último día do mes procederase de novo ó reconto de votacións onde sairán elixidos os empregados gañadores do mes de Abril, que xa será o último.
Unha campaña distinta que busca o recoñecemento e a motivación dos empregados, e que segue a xerar moita expectación entre os clientes.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
