Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro
Burela, 12 de abril. Comeza a fase final da Copa da Raíña no Polideportivo Municipal O Limón en Málaga. Os 4 encontros dos cuartos de final celebráronse nesta xornada de venres cun primeiro partido esta mañá ás 11.00h, MCD Torreblanca Melilla – AE Lles Corts UBAE no que o conxunto melillense se clasificou para a semifinal, continuando co derbi madrileño, Arriva Alcorcón – MRB Móstoles FSF, emocionante partido no que se clasificou o Alcorcón. Ás 16.00h o terceiro partido do día, LBTL Alcantarilla – FSF Castro Bloques Cando no que pasou de rolda o conxunto murciano e pechando a xornada o clásico dos clásicos, ás 19.00h, Futsi Atlético Navalcarnero – Pescados Rubén Burela FS. Un partido moi competido no que as de Julio Delgado cederon demasiado nunha primeira parte frouxa e unha segunda parte máis centrada pero cunha vantaxe demasiado difícil de superar ante un rival que non permitiu.
Comeza o encontro coa tensión e paixón que un clásico como este en fase de cuartos de final, se merece. Poucas ocasións por parte dos dous equipos aínda que moito ritmo e xogo de balón. Cun Pescados Rubén Burela FS máis despistado do que nos ten habituados, xerando poucas ocasións e con numerosos fallos defensivos, deixando gran protagonismo a Ana Eliza que deu a cara no partido salvado varias ocasións que podían deixar un resultado máis avultado. No minuto 5 Emilly retírase do xogo tras unha torcedura de nocello que tras as primeiras exploracións parece unha escordadura no mesmo. No mesmo minuto María Sanz métea ao segundo pau tas un fallo na defensa do conxunto mariñán. No minuto 10 Becha de novo, cunha xogada moi parecida, mete o 2-0 para o conxunto madrileño e dous minutos despois Irene Córdoba consegue o terceiro quedándose soa ante a xove porteira brasileira nunha contra. Entre as poucas ocasións do Burela, unha no minuto 15 de Cilene, nun saque directo de falta que sae fóra rozando o pau nun perspicaz tiro raso. Chega o descanso 3-0 no marcador.
Na segunda metade o Pescados Rubén Burela FS sae con algo máis de intensidade e decisión, aínda que ante un equipo moi forte nada fácil de superar. No minuto 25 Antía consegue recortar distancia nun saque de esquina de Noelia Montoro que a coloca perfecta para que Antía a empuxe dende o segundo pau cara a dentro da portería. Continúa o xogo de balón sen moitas ocasións salientables, unha de Dany no minuto 31 nun 3×1 non logrando superar a Marta Balbuena. No mesmo minuto entra Cilene como porteira-xogadora e no 33 Emilly reincorpórase ao xogo. No 36 grandísima ocasión de Patricia que se atopa con Marta Balbuena nun remate dende case dentro da liña de meta. Un minuto despois Laura Córdoba métea a portería baleira practicamente sentenciando este partido no que o conxunto madrileño deu moita guerra ás mariñás, pero chega o hat-trick de Laura que remata o encontro, a portería baleira, no último minuto.
As vixentes campioas non logran pasar de rolda neste coincidente clásico de cuartos de final da Copa da Raíña, as madrileñas loitaron pola clasificación ante un Burela que non logrou sobrepoñerse a tempo. Dende o club damos o parabén ao Futsi Atlético Navalcarnero pola vitoria e desexámoslle sorte nesta competición.
Ficha Técnica Futsi Atlético Navalcarnero 5-1 Pescados Rubén Burela FS
Futsi Atlético Navalcarnero (5): Marta Balbuena; Leti (C), Irene Córdoba, María Sanz, Laura Córdoba -cinco inicial-, Rapha Martins, Becha, Ari, María Moreno, Ju Delgado, Lora, Anita Luján, Luchi, Bea Parrón.
Pescados Rubén Burela FS (1): Ana Eliza; Dany, Cami, Irene Samper, Emilly, – cinco inicial-, Irene, Cilene, Antía Pérez, Cris Blanco, Aroa, Rafinha, Patricia, Noelia Montoro, Ester (P). Entrenador: Julio Delgado
Goles: 1-0, min.4: María Sanz. 2-0, min.10: Becha. 3-0, min.12: Irene Córdoba. 3-1, min.25: Antía Pérez. 4-1, min.37: Irene Córdoba. 5-1, min.39: Laura Córdoba.
Árbitros: Tiare Belén Valencia Olivares, Javier Moreno Reina, Noelia Gutierrez Muñoz, Javier Guzmán Vaquero.
TA: Jose Daniel Gracia Iglesias, Ju Delgado, Sergio Bretón, Irene Córdoba, Fabiana Ribeiro, Julio Delgado, Antía Pérez, Cami.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
