Con esta e outras iniciativas, os nacionalistas seguirán traballando para conseguir os servizos sanitarios que lle corresponden ao Valadouro
O Valadouro, domingo 14 de abril 2024. A concentración convocada pola Plataforma en Defensa da Sanidade Pública da Mariña diante do Centro de Saúde do Valadouro en protesta pola falta de médicos foi masiva e foi un clamor en contra do abandono ao que o Partido Popular está sometendo ao rural galego e de xeito especial e acentuado ao Valadouro en materias tan sensibles como é neste caso a sanidade e atención primaria, que neste concello xa chove sobre mollado, pois levan unha década tamén loitando por recuperar o servizo de pediatria que compartían co concello veciño de Alfoz que o PP eliminou.
O Partido Popular marxina ao Valadouro
Neste sentido, o portavoz nacionalista no Valadouro, o tenente de alcaldesa Eduardo Chao manifestou ao remate da concentración o seu agradecemento á veciñanza pola participación nesta mobilización e tamén á Plataforma polo apoio. “Esta concentración vai marcar o inicio dunha loita na que temos que ir a por todas, porque en temas sanitarios non imos dar nin un só paso atrás. O PP machaca ao Valadouro, marxina ao Valadouro, e ante eso levaremos adiante iniciativas e accións para revertir esta situación porque O Valadouro tén que tér dous médicos e as nosas nenas e os nosos nenos tenen que dispoñer dun servizo de pediatría nas debidas condicións, como tiveron anteriormente” afirmou.
Anunciou tamén que nos vindeiros días levarán ao Parlamento a través do deputado Daniel Castro este grave problema, esixindo a cobertura inmediata das dúas prazas de médico que lle corresponden ao Valadouro. “Agardamos tamén que hoxe o PP tomara nota do sentir das veciñas e veciños porque á vista de todas e todos eles quedou claro que esta sigue a ser a Galicia que non funciona” concluíu.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
