Ribadeo, 17 de abril de 2024. Ribadeo acollerá do 9 ao 29 de xullo unha concentración da selección de baloncesto U18 feminina. No pavillón municipal España enfrontarase a Hungría, Croacia e Polonia nun Torneo Internacional preparatorio para o Campionato de Europa do 18 ao 20 de xullo.
Ata Ribadeo se desprazaron representantes das Federacións Española e Galega de Baloncesto: Julio Bernárdez, presidente da FEGABA, Susana Fernández, directora xeral da FEGABA, José Ignacio Hernández, director deportivo da FEB, e Nacho Jiménez, coordinador de seleccións da FEB. No Concello mantiveron un encontro co alcalde, Dani Vega, co concelleiro e co técnico de Deportes, Francisco José Silvent e Iván López, e co presidente do CB Ría de Ribadeo, José Ramón Vázquez.
Silvent comentou que “estamos encantados de volver traer baloncesto de primeiro nivel a Ribadeo, un deporte que levanta paixóns nesta vila, que conta cunha longa tradición na súa práctica”.
O edil de Deportes lembrou que “o Río Breogán iniciou a súa pretempada o pasado mes de agosto en Ribadeo, e aquí disputou o Trofeo Concello de Ribadeo fronte ao FC Porto”.
Francisco José Silvent sinalou que “queremos seguir acollendo a equipos de primeiro nivel e organizando eventos deportivos que acheguen os seus valores ás nenas, aos nenos e á mocidade ribadense e que atraian xente á nosa vila”.
E tivo palabras de agradecemento para a FEB e a FEGABA: “agradecémoslle á FEB e á FEGABA a súa confianza e o seu apoio para que Ribadeo acolla esa concentración da selección feminina U18 en xullo e que se dispute aquí un Torneo Internacional. E moitas grazas tamén ao CB Ría de Ribadeo pola súa colaboración. Entre todos seguiremos a traballar para que outros eventos de baloncesto se poidan celebrar en Ribadeo. Contamos con instalacións e con afección”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
