No caso da rúa Lamestra, estanse a realizar nela uns traballos de humanización a carón do parque, dos que se agarda que estean finalizados antes das festas patronais de Burela
Burela, 30 de abril de 2024. O Concello de Burela informa dos cortes de tráfico na rúa Lamestra e na rúa do Correo, que se manterán nas vindeiras semanas con motivo das obras que se están a desenvolver en ambas vías.
No caso da rúa Lamestra, estanse a realizar nela uns traballos de humanización a carón do parque, dos que se agarda que estean finalizados antes das festas patronais de Burela.
Ademais, a Policía Local avisou de que, para facilitar chegar á rúa Pardo Bazán desde a rúa Rosalía de Castro, dentro duns días cambiará o sentido de circulación na rúa Cova Moura, algo do que se informará de xeito convinte nos días anteriores.
Por outra banda, na rúa do Correo vaise realizar unha actuación de urxencia para arranxar un socavón presente debaixo da estrada, de novo antes da celebración das festas patronais.
O carril afectado xa se atopa inhabilitado e sinalizado. Actualmente se está tramitando un contrato de emerxencia co obxectivo de comezar as obras esta semana ou a semana que vén.
“Ao detectar o socavón nunha vía tan importante para a celebración das festas, puxémonos a traballar inmediatamente, tanto para evitar os riscos derivado da súa presencia como pola proximidade dunhas datas tan sinaladas”, explicou o concelleiro de Obras, Ramiro Fernández Rey.
“Trátase dunha obra sinxela pero que ten as súas particularidades, posto que por alí pasan liñas eléctricas de alta tensión, e isto isto dificulta a obra”, sinalou o edil. “Estamos á espera dunha análise máis profunda para comprobar ademais que non haxa problemas de filtracións de auga”, engade.
“Irase informando do desenvolvemento destes traballos dende as redes sociais do Concello e da Policía Local”, indicou Fernández Rey. “Pedímoslle paciencia á veciñanza, xa que é necesario realizar estas obras canto antes para evitar males maiores”, concluíu.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
