Castro lamenta o voto en contra de PP e PSOE e advirte que a multinacional “fai e desfai como quere mentres os gobernos miran para outro lado”
Santiago de Compostela, 2 de maio, 2024. O deputado da Mariña Daniel Castro volveu defender este xoves no Parlamento a intervención pública de Alcoa por parte do Estado, así como a participación da Xunta na operación mediante capital propio para asegurar o poder de decisión do Executivo galego no futuro da empresa.
“Non hai ningunha norma que o impida e por iso non se entende que nin o Goberno español nin o galego consideren vital a factoría de aluminio, a única que queda no Estado, e sigan preferindo que empresas foráneas fagan e desfagan á súa vontade”, asegurou respecto á proposta do BNG o deputado nacionalista, que instou ao Executivo central e ao da Xunta, que ten competencias en industria, a “non mirar para outro lado” e a actuar xa para resolver un conflito que se prolonga dende hai catro anos e que leva aos traballadores e traballadoras de Alcoa a ver “cada vez máis negro o seu futuro”.
Castro, que lamentou o voto en contra do PP e do PSOE á súa iniciativa, levou a situación de Alcoa unha vez máis á Comisión de Industria despois de que a empresa fixese unha nova proposta “que volve confirmar a súa mala fe” cunha “nova fraude aos acordos acadados por todas as partes e que supón un novo ERE encuberto”, deixando ademais “totalmente desprotexidos” aos traballadores e traballadoras das auxiliares.
“Non estamos a pedir nada fóra do común, porque o propio goberno entrou no accionariado de Celsa e no de Telefónica e porque un goberno que está nas antípodas do BNG como é o italiano interviu a planta siderúrxica de ArcelorMitall”, asegurou Castro na súa intervención durante a primeira reunión da Comisión de Industria celebrada nesta lexislatura.
Ademais da intervención pública e a participación da Xunta, a proposición non de lei do BNG, que incluía unha autoemenda, reclamaba realizar o hipotético proceso de venda a través da Sepi, así como exixir a Alcoa o cumprimento dos compromisos e inversións previstos no acordo asinado en febreiro de 2023, no que se incluía a construción do forno de ánodos e a continuación da súa execución, “independentemente de que se estea comezando un proceso de venda da planta”.
“Non queremos deixar pasar ningún tipo de responsabilidade a unha empresa que tantas veces xogou cos traballadores e traballadoras, e o que é peor, cos gobernos”, advertiu Castro, lembrando que foi o PP quen privatizou a empresa.
Durante o debate da proposición non de lei e as emendas presentadas, o representante nacionalista da Mariña subliñou que para resolver a situación de Alcoa é preciso tamén actuar sobre os altos custes da enerxía eléctrica, e de aí que o BNG defende a creación dunha tarifa eléctrica galega.
Lembrou, así mesmo, as iniciativas presentadas polo Bloque no congreso para, entre outras cuestións, modificar o estatuto do consumidor electrointensivo e crear a figura das empresas hiper-electrointensivas, garantir a máxima compensación por CO2 permitida en Europa, articular unha interrumpibilidade que aproveite a capacidade destas industrias para funcionar como colchón nos picos de consumo de enerxía ou eliminar da factura eléctrica os custos de peaxes e cargos asociados ao transporte poloa proximidade dos centros de consumo aos centros de produción.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
