Os burelenses dominaron a segunda parte con dous golazos de Charly e Isma e unha férrea defensa nos últimos minutos do partido
Burela, 4 de maio, 2024. Ás 18.30h desta tarde, no Pavillón Polideportivo de Paterna, disputábase o partido da xornada 29 de Segunda División Futsal, Levante Ou.D. FS – Pescados Rubén Burela FS, cun resultado final 1-3. Unha primeira parte con moito ritmo pero algo de descontrol por parte de ambos conxuntos e con bastantes oportunidades que non atopan o gol. Fronte a unha segunda metade dominada polo Burela que, aínda que comeza cun Levante moi forte e concentrado, o conxunto de David Rial consegue avantaxar o marcador con dous golazos de Charly e Isma.
Comeza buscando o gol o Burela na primeira parte, con varias oportunidades nos primeiros minutos, atopándose con algunha ocasión do conxunto rival no minuto 4 que salva Michal. Aumenta a presión por parte do locais pero o Burela continúa buscando o gol, como un lanzamento afastado de Isamel no minuto 6 que roza o pau. Dúas oportunidades claras consecutivas no minuto 9, a primeira de Pitero que saca Raúl por ecima do traveseiro e a segunda de Flethes cun disparo longo que vai fóra tras o saque de córner da xogada anterior. Ocasión boa para o Burela no minuto 11 nun lanzamento de falta tras unha falta a Ismael, lanzamento directo de Álex García que se vai fóra. No minuto 14 Mario anota o 1-0 nun rexeite e segundos despois Álex García empata o encontro cun gol de penalti. Paradón de Kaluza no minuto 16 a un rexeite de Peleh que a punto estivo de ser o segundo do conxunto local. No minuto 18 Juanico volve ter outra ocasión clara nun lanzamento que se vai fose rozando o pau tras un bo pase de Juli. Tras outro paradón de Michal e saque longo Pitero, con calma, case consegue adiantar o marcador nun disparo frontal boísimo tras un xiro que se vai por encima do traveseiro. Dúas oportunidades consecutivas dos locais no último minuto poñen en pé ao Polideportivo de Paterna e tras un último ataque do Burela chega o descanso.
Na segunda parte empeza presionando o Levante pero no minuto 22 Raúl é protagonista dun paradón incrible a un disparo próximo de Charly que puido ser o segundo dos mariñáns. Varias xogadas con saídas de porteiro buscando a vantaxe por parte de ambos equipos que presionan de forma intermitente sen lograr puntuar ata o minuto 30 no que Charly anota un golazo picando por riba de Raúl un balón que lle vén de Isma, que tamén nos deleita cunha xogada individual espectacular. Dous minutos despois un grandísimo Isma vólveo facer e tras unha recuperación en propia pista e unha perfecta carreira ata a área rival métea avantaxando por dous goles ao seu equipo neste último partido fóra de casa nesta tempada 23/24. Preciosa ocasión que se vai fóra tras unha impecable carreira de Malaguti ata campo contrario e un bo xogo colectivo xunto a Lucho e Alberto que non logran finalizar con éxito. No minuto 37 Carlos Márquez decide recorrer ao xogo de 5 sacando a Pablo García como porteiro-xogador. Clarísima de Juanico no minuto 19 cun disparo desde dentro da área que detén Michal na liña de meta. A férrea defensa do Burela aguanta durante os últimos minutos de xogo a presión do conxuto local, non permitindo practicamente aos levantinos xerar ocasións. No último minuto despexe de Peleh a unha clara de Charly tras un pase longo de Kaluza e tras un último ataque dos valencianos remata o encontro 1-3 no marcador.
A fin de semana que vén, nun sábado completiño de futsal en Vista Alegre, tras o encontro do equipo feminino, ás 10.00 da mañá ante o MRB Móstoles FSF (encontro que se retransmitirá por teledeporte), o conxunto masculino do Pescados Rubén Burela FS disputará o último partido de liga ante o UMA Antequera, un encontro moi complicado entre o segundo e terceiro clasificados na táboa, non podendo optar xa o conxunto burelense ao segundo posto tras a vitoria do UMA de hoxe por 3-2 ante o Ibiza Gasifred.
Ficha Técnica Levante U.D. FS 1-3 Pescados Rubén Burela FS
Levante U.D. FS (1): Raúl; Juli, Peleh, Juanico, Adri -cinco inicial-, Mario, Nacho Parreño, Pablo García, Caye, Pedrito. Entrenador: Carlos Márquez
Pescados Rubén Burela FS (3): Kaluza; Rikelme, Isma, Alberto, Malaguti -quinteto inicial-, Lucho, Quelle, Pitero, Flethes, Álex García, Charly, Ismael. Entrenador: David Rial.
Goles: 1-0, min.14: Mario. 1-1, min.15: Álex García (Penalti). 1-2, min.30: Charly. 1-3, min.32: Isma.
Árbitros: Jairo Leiva, David Pizarro, Pablo Carot, Julio Esteve.
TA: Rochina, Raúl, Quelle, Malaguti, Carlos Márquez, Miguel Ángel Domingo Salinas, Tulio García.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
