Foz, 15 de maio de 2024. O Concello de Foz únese a unha iniciativa solidaria do colexio Martínez Otero coa asociación de persoas con discapacidade Virxe do Carme.
A concelleira de Servizos Sociais, Ana Rojo, explica que “o colexio Martínez Otero de Foz, e o seu alumnado de 3º de primaria, supervisados polos seus mestres veñen de idear una iniciativa solidaria que repercute directamente na asociación Virxe do Carme de Foz e dos seus rapaces con discapacidade. Esta iniciativa xurde como colaboración dende a actividade e o servizo na que se combinaron aprendizaxe con colaboración, educación inclusiva e integradora entre o alumnado do colexio e os rapaces con discapacidade. A xornada foi moi enriquecedora por ámbalas partes, compartiron opinións, dúbidas e inquedanzas, interactuando de forma espontánea, afianzando lazos e protagonizando momentos de moita complicidade, por exemplo na coreografía, onde bailaron todos xuntos como unha das actividades deste mes. Os alumnos de 3º de primaria mostráronos estas manualidades, modelándoas e pintándoas coas súas propias mans, estas creacións van encamiñadas a ese intercambio solidario de manualidade por doazón”.
Ana Rojo destaca que foi unha “xornada participativa e de aprendizaxe en igualdade e diversidade funcional, fortalecendo así vínculos afectivos con dinámicas didácticas encamiñadas cara ao respecto e a unha mellor accesibilidade destes rapaces, visibilizando e amplificando as súas voces. Sen discriminacións, derribando mitos das persoas con discapacidade e promovendo a súa integración como un obxectivo real a conseguir por parte de tod@s. De tal forma dende o Concello de Foz unímonos a esta iniciativa do propio colexio, como entendemos no seu momento que estes rapaces con discapacidade merecían ter o seu espazo a modo de un local adaptado as súas necesidades, con todo tipo de material didáctico, audiovisual e informático, sen barreiras físicas nin sociais, nun entorno natural mirando a ría de Foz. Son unhas instalacións onde poden reforzar o aprendido, con terapias ocupacionais e diversos talleres, incidindo sempre nas dinámicas de integración e accesibilidade coa inestimable axuda da súa mestra, Sandra”.
A concelleira de Servizos Sociais engade que “todas as persoas que queiran participar desta fermosa iniciativa, poderán facer a achega do material escolar: libros, lápices, folios, xogos de mesa, cores, gomas, etcétera, para posteriormente ser depositados nun mostrador na entrada do colexio. Serán os propios alumn@s coa axuda da ANPA, os que farán entrega das súas propias creacións, en horario de mañás de 9:20 a 10 horas, antes de comezar as clases”.
“O Concello de Foz agradece esta iniciativa solidaria ao colexio Martínez Otero, ao profesorado, a ANPA e de forma moi especial aos verdadeiros protagonistas: os nenos e nenas de 3º de primaria pola súa espontaneidade e o seu afecto cara aos rapaces con diversidade funcional da asociación Virxe do Carme (Marcos, Fran, Javier e Rubén). Para tod@s o noso cariño máis sincero!”, remata Ana Rojo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
