José Tomé Roca tomou parte este luns no encontro que agrupa aos representantes dos gobernos provinciais e insulares de toda España e no que se abordaron as principais liñas de actuación para os próximos anos deste organismo
Lugo, 27 de maio de 2024. O Presidente da Deputación de Lugo, José Tomé Roca, participou este luns, de xeito telemático, na primeira reunión de traballo da Comisión de Deputacións Provinciais, Cabidos e Consellos Insulares da Federación Española de Municipios e Provincias (FEMP). Logo da súa constitución, en febreiro deste ano, este organismo integrado por representantes de gobernos locais intermedios de toda España acordou durante a mañá de hoxe as diferentes liñas de actuación que guiarán á Comisión durante o período 2023-2027.
Baseada nas resolucións do XIII Pleno da FEMP, esta folla de ruta quedou definida “como un documento vivo, aberto, flexible e suxeito a cambios ao longo do mandato”. Entre as principais liñas de actuación acordadas está a de incrementar a visibilidade das Deputacións Provinciais, Cabidos e Consellos Insulares; apoiar e facer seguimento dos acordos da Xunta de Goberno da FEMP; seguir abordando o reto demográfico; continuar na loita contra a violencia de xénero; implementar a Axenda 2030 e os Obxectivos de Desenvolvemento Sostible (ODS); ou colaborar coa Fundación Democracia e Goberno Local.
No que ten que ver co reto demográfico, a comisión acordou seguir traballando para evitar a perda de poboación en zonas rurais e para asegurar os servizos básicos, en termos de equidade, en todas as localidades do país e intercambiar as boas prácticas e experiencias de éxito nos diferentes territorios. E sobre a violencia de xénero, este organismo aprobou analizar o papel e as potencialidades dos gobernos provinciais e insulares no Pacto de Estado Contra a Violencia de Xénero e traballar por establecer un compromiso “firme” de todas as Deputacións de España contra esta lacra.
Respecto da Axenda 2030 e os ODS, a Comisión chegou ao acordo de impulsar a inclusión desta folla de ruta en todos os ámbitos da súa xestión pública e promover a adhesión dos seus integrantes na Rede de Entidades Locais para o seu desenvolvemento, como entidades multiplicadoras no ámbito rural dos contidos da Axenda.
A Comisión acordou tamén analizar o proxecto dos Presupostos Xerais do Estado cada ano, coa finalidade de poder elevar á Xunta de Goberno da FEMP as propostas de emendas que se consideren, tales como a recuperación do volume da financiamento da Cooperación Económica Local do Estado.
Nesta primeira reunión da Comisión de Deputacións da FEMP aprobouse ademais que a próxima reunión terá lugar en Sevilla, o vindeiro 1 de xullo.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
