Antonio Ameijide imaxina que o prezo do vehículo disparouse visto “o lamentable estado” ironizando sobre o que se atopan as estradas provinciais na Pobra do Brollón con fochancas nas que cabe un coche
Lugo, 3 de xuño de 2024. “Vendo o estado no que José Tomé, o PSOE e o BNG teñen as estradas provinciais na Pobra do Brollón entendemos que dende o goberno provincial asinen un convenio co alcalde dese municipio para mercar un todoterreo “non sabemos se de alta gama”, a tenor dos máis de 92.000€ que envían a este municipio dende a Deputación”.
O voceiro provincial popular, Antonio Ameijide, ironizaba neste senso tras coñecer como socialistas e nacionalistas asinaban un novo convenio con alcalde amigo para mercar un único vehículo todoterreo por un importe de 92.298,02€.
“A verdade é que imaxinamos que será un todoterreo de luxo porque cos case 100.000€ que lle entregan a dedo podería mercar dous vehículos e así ter máis servizo” porque no informe non indican que tipo de vehículo é e “chámanos a atención o custe se simplemente é para desprazarse por dentro do municipio”.
Ameijide explica que estamos ante un novo exemplo do “municipalismo de amiguetes” de José Tomé, do PSOE e do BNG que seguen asinando convenios a dedo cos concellos gobernados unicamente por socialistas e nacionalistas. “PSOE e BNG continúan a empregar a Deputación de Lugo como a súa chequeira particular”, denunciou.
Tras analizar os convenios que o presidente da Deputación deu a dedo no primeiro trimestre do ano ‑aprobados en xunta de goberno ou vía decreto- a municipios gobernados por PSOE e BNG e que suman preto de 900.000€ (865.814,72€).
O goberno provincial aprobou en xunta de goberno no primeiro trimestre do 2024 dous convenios con Concellos gobernados polo PSOE (Pol e Xermade) e un polo BNG (A Pobra do Brollón) que suman preto de 245.000 euros (244.920,25€). E o presidente autorizou, vía decreto, convenios con tres gobernados polo PSOE (A Fonsagrada, Ourol e Monforte) e un polo BNG (Samos) que suman máis de 620.000 euros (620.894,47€).
Unha política que segue a de anos anteriores. De feito, PSOE e BNG entregaron durante 2023 case 15M€ (14,7M€) en 93 convenios -aprobados en xunta de goberno- que tiveron como beneficiarios, practicamente en exclusiva, a municipios gobernados por PSOE e BNG.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
