Mariña Gueimunde: “Vense de celebrar o primeiro ano da derrota electoral da alcaldesa e dous concelleiros da relevancia política das áreas de turismo e deporte xa abandonaron decepcionados pola decadencia e esgotamento dun goberno en minoría que esmorece nun bucle de desidia e indolencia”
Viveiro, 22 de xullo de 2024. A renuncia do edil de Deportes, Eleazar Rodríguez, únese á de Marisol Rey, edil de Turismo, dúas concellerías de gran importancia no municipio, que a xuízo da portavoz municipal do PP de Viveiro, Mariña Gueimunde, “constatan a liña de declive e decrepitude na que se atopa o goberno bipartito, sen ideas nin plans para un Viveiro sumido na parálise máis absoluta”. A popular engade: “os perfís que os socialistas venderon nas eleccións como independentes, comprobaron de primeira man que o que se lles prometeu para que se incorporaran á candidatura era todo fume, e só foron utilizados coma un reclamo electoral e relegados coma un clínex rematado ese cometido”.
Mariña Gueimunde lamenta que o deporte da localidade sufra un novo revés ao perder un imprescindible interlocutor directo que saiba do que fala: “o señor Eleazar non tivo tempo de facelo nin ben, nin mal, suponse que foi levado nunha candidatura polos méritos da súa experiencia na xestión deportiva, e puidera ser que por esa mesma experiencia, ao constatar a inercia de pasividade e desidia do goberno bipartito, e os incumprimentos co deporte, prefire apartarse de onde non lle deixan facer”.
Así, a portavoz do PP insta á alcaldesa “a buscar un substituto con solvencia a quen permitan traballar polo deporte, que segue abandonado á súa sorte polos incumprimentos dos compromisos, pola falta duns criterios económicos transparentes e obxectivos, pola inexistencia dun plan de conservación das instalacións e agora engádese, unha vez máis, a ausencia dun edil específico con algunha experiencia no eido do deporte que poida atender en primeira persoa as demandas e necesidades dos clubs”.
Gueimunde pregúntase quen ocupará a praza vacante que deixa este edil “segundo parece non hai moito interese nos integrantes da lista en sumarse ao grupo municipal; despois de que o PSOE incorporase a catro independentes nos oito primeiros postos da súa candidatura”. E, engade, “todo apunta a que a alcaldesa asumirá as funcións da concellería de deportes e xa vimos o atendido que estivo o deporte na anterior lexislatura baixo a súa batuta”.
A popular conclúe que “neste primeiro ano da derrota da alcaldesa, o bipartito segue nesa deriva a ningures que o PP non se vai cansar de reprobar, onde tamén son os propios os que foxen deste desbaraxuste, quen mellor retratan o desgoberno no que se atopa o Concello de Viveiro”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
