Nota de prensa:
Arrinca o curso de curtametraxes sobre a Muralla da Fundación TIC e o Concello de Lugo
– A Concelleira de Xuventude do municipio lucense inaugura a xornada este mércores ás 16:00 horas no Centro de Produción e Programas da Deputación
– 15 alumnos recibirán 50 horas de formación práctica e teórica que complementarán coa gravación dunha curtametraxe
– Esta iniciativa, que se inclúe dentro do programa municipal Lugo10, engádese ó Primeiro Concurso Nacional de Curtas e Maquetas cuxo prazo de presentación de traballos remata o 30 de outubro
A Fundación TIC, dependente da Deputación, e o Concello de Lugo, poñen en marcha este mércores o curso de curtametraxes sobre a Muralla, unha iniciativa que se inclúe dentro de Lugo10, o programa municipal co que ambas as dúas administracións están a promocionar ó exterior o Monumento Bimilenario con motivo do seu décimo aniversario como Patrimonio da Humanidade declarado pola UNESCO. A Concelleira de Xuventude, Rosala Rielo, inaugurou a xornada esta tarde, ás 16:00 horas, no Centro de Produción e Programas do organismo audiovisual da Deputación.
15 rapaces de entre 14 e 30 anos, todos eles da provincia ou ben estudantes ou traballadores en Lugo, participan nesta xornada formativa que consta de 50 horas de formación, – 20 teóricas e 30 prácticas-, que se complementan coa gravación dunha curtametraxe sobre a Muralla.
Esta iniciativa, que se impartirá dende hoxe e ata o 3 de decembro, súmase ó Primeiro Concurso Nacional de Curtas e Maquetas que impulsan Deputación e Concello de Lugo co obxectivos de potenciar a imaxe da Muralla e da provincia polo país, así como para fomentar a creatividade audiovisual entre a mocidade e a súa inserción laboral.
30 de outubro
Todos os interesados en participar nesta iniciativa poderán presentar os seus traballos ata o 30 de outubro a través da Internet, mediante a aplicación destinada ó efecto no microsite www.fundaciontic.org/maquetas; ou á dirección da Fundación TIC (rúa do Arco, s/n 2004 Lugo) no caso as curtas. Ademais, para participar no concurso é necesario achegar o boletín de inscrición que se pode descargar na web da Fundación (www.fundaciontic.org).
Bases e premios
As bases establecen que a creación debe ser inédita, e tan só poderá presentarse un traballo por participante ou grupo. As curtas poden ser mudas ou con son incorporado, en castelán ou galego; de non ser así, deberán ter subtítulos nun destes idiomas. Teñen que presentarse en formato DVD cunha duración máxima de 10 minutos. Polo que se refire ás maquetas, admitiranse cancións de calquera estilo.
En cada unha das modalidades –curtas e maquetas- haberá tres premios: un dotado con 2.000 euros para o traballo que mellor ensalce a Muralla; outro de 1.500 para o que potencie máis a provincia, e un terceiro de 1.000 euros destinado a autores de menos de 30 anos. Tanto as maquetas musicais como as curtas formarán parte dos arquivos da Fundación TIC e do Concello de Lugo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
