A presidenta provincial, Elena Candia, fixo balance da actividade neste curto período de sesións xunto aos compañeiros, os deputados lucenses no Parlamento de Galicia
Lugo, 1 de agosto de 2024. Os deputados lucenses no Parlamento de Galicia fan balance deste período de sesións poñendo en valor “un traballo constante co que damos traslado á cámara galega de propostas demandadas polos lucenses e nos interesamos polos distintos asuntos que afectan á provincia. Hoxe damos conta dese traballo nun exercicio de transparencia e respecto aos lucenses que nos elixiron de forma maioritaria para representalos no Parlamento de Galicia”, explicou a presidenta provincial do PP e deputada autonómica, Elena Candia.
A pesar de ser un período de sesións curto, foron un total de 272 iniciativas entre Proposicións Non de Lei en Pleno ou en Comisión, preguntas e solicitudes de documentación en diversos ámbitos coma o medio rural e o mar (sectores importantes para a provincia), reivindicacións no ámbito do emprego, a enerxía e a industria e propostas en materias de Política Social e Sanidade.
Neste ámbito, o Grupo Popular traballa con responsabilidade e insiste en “buscar solucións á falta de médicos que, a pesar de afectar a toda España, non conta con esa sensibilidade por parte do Goberno”. Os populares lograron aprobar no Parlamento de Galicia iniciativas para demandar ao Goberno de Pedro Sánchez que permita ás comunidades autónomas formar e contratar máis médicos; que no CIS de Lugo se poidan formar médicos MIR ou unha lei de medidas urxentes para a incorporación de médicos a postas de difícil cobertura en centros de saúde e hospitais comarcais mediante concurso. “Pero PSOE e BNG votaron en contra: só lles interesa a Sanidade para facer oposición”, subliñaron.
Os deputados lucenses tamén están a facer seguimento dos investimentos da Xunta de Galicia para a mellora de infraestruturas e servizos: o CIS da Residencia (que supuxo un investimento de máis de 16,5M€), a reforma dos centros de saúde de Meira, A Milagrosa, o PAC de Outeiro de Rei e a construción de novas centros en Pantón, Becerreá e no Sagrado Corazón; ademais de adquirir material para o centro de saúde da Fonsagrada, a Unidade de Ictus en Lugo e o Hospital da Mariña.
En materia de Política Social os deputados lucenses interesáronse, entre outros temas, polas novas prazas públicas en centros de maiores, os programas Xantar na Casa ou Respiro familiar e a “falta de cumprimento por parte do Goberno do Estado polo financiamento do 50% que lle corresponde pola Lei de dependencia”.
En relación ao medio rural os lucenses lideran iniciativas para a posta en valor da terra (aldeas modelo, polígonos agroforestais ou concentracións parcelarias), a prevención e loita contra os incendios forestais e a recuperación de zonas afectadas polo lume, a modificación do Real Decreto que regula as explotacións avícolas de autoconsumo ou o novo servizo de matadoiro móbil.
Tamén se preocupan polo outro sector primario destacado na provincia a través da transformación da cadea mar-industria e do impulso da actividade marítimo-pesqueira. Así coma da evolución da “comprometida situación de Alcoa ante a pasividade do Goberno por ofrecer un marco enerxético competitivo que garanta a actividade” e de proxectos industriais coma o de Altri e Endesa-As Pontes.
Os deputados populares están moi pendentes da “discriminación” do Goberno de Pedro Sánchez á provincia e teñen proposto “acordos en materia de infraestruturas do Estado adoptados algúns deles por unanimidade que, en moitos casos, o PSOE non cumpriu e o BNG non esixiu que cumpran”: a reivindicación para a chegada da alta velocidade a Lugo, a reconstrución simultánea dos viadutos do Castro, a aceleración dos tramos pendentes da A-54 (Lugo-Santiago) ou a reparación integral das autovías. Os populares teñen advertido do abandono por parte do Ministerio das estradas nacionais (como a N-634, a N-120…) que agora queren corrixir con bacheos puntuais e non renovacións integrais do firme”.
LUGO CIDADE
Os representantes lucenses na Cámara galega interésanse pola construción de vivenda pública na cidade de Lugo, a declaración de Ámbito de Rexeneración e Renovación Urbana para a zona de Agro do Rolo, na Milagrosa, ou a planta de xestión de residuos orgánicos e biometanización.
Así mesmo preguntan pola remodelación prevista para o Anxo Carro, os novos servizos do CIS ou a renovación do centro de saúde da Milagrosa e lograron aprobar unha iniciativa para pedir ao Goberno central impulsar as obras nos tramos pendentes para rematar a A-54.
PROTAGONISMO DOS DEPUTADOS LUCENSES
Os deputados lucenses no Parlamento de Galicia cobran protagonismo con responsabilidades en áreas de interese para a provincia como a da presidenta provincial e vicepresidenta do Parlamento, Elena Candia; ou as portavocías de Cristina Sanz (viceportavoz do Grupo Popular e portavoz de Facenda e do Consello de Contas), José Manuel Mato (Medio Rural), Raquel Arias (Política Social), Enrique Barreiro (Gandería), Encarna Amigo (Sanidade), Nicole Grueira (Xuventude) e Katy Varela (Exteriores e Cooperación).
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
