O 75% das incidencias comunicadas a través da aplicación móbil foron solucionadas, sendo “Alumeado Público” a tipoloxía máis comunicada
Vilalba, 8 de agosto de 2024. O Concello de Vilalba vén de manifestar a súa gratitude pola gran implicación cidadá que lle permite ao goberno local seguir empregando o sevizo Línea Verde como canle de comunicación cos veciños e veciñas.
Dende a posta en funcionamento do servizo, a participación cidadá expermientou un crecemento exponencial, demostrando a eficaz resposta por parte do goberno local na resolución de incidencias comunicadas polos veciños e veciñas.
A día de hoxe o 75% das incidencias recibidos foron xa solucionadas, sendo o tipo de problemática máis frecuente aquelas que fan referencia a “Alumeado Público” (58%). Pola súa banda, a seguinte categoría é a de “Beirarrúas e Estradas” (13%), “Basura” (5%), “Parques e Xardíns” (3%), “Limpeza” (3%) e “Sinalización e Semáforos” (3%).
Deste xeito, grazas á implicación directa da cidadanía, “poidemos levar a cabo actuacións rápidas e ter coñecemento de certas necesidades e problemáticas das que previamente non tiña constancia”, sinala o concelleiro de Servizos Municipais, Eduardo Vidal.
Para poder empregar este novo servizo é necesario proceder á descarga da aplicación Línea Verde. Para elo, o usuario accede a Google Play ou APP Store e unha vez localizada a aplicación, lévase a cabo a descarga de forma totalmente gratuíta. A partir dese momento, o usuario selecciona o municipio sobre o que quere comunicar a incidencia e xa pode establecer contacto directo co Concello.
Para comunicar un dano, basta con picar sobre o botón “Nova Incidencia”. Un despregable coas diferentes tipoloxías de incidencias aparece en pantalla. O usuario selecciona aquela sobre a que quere comunicar. De forma automática, a APP detecta as coordenadas exactas nas que se sitúa o dano.
O seguinte paso é anexar unha foto da incidencia e observación sobre a mesma. Xa só queda dar ao botón de enviar. Unha vez enviada, persoal do Concello recibe notificación do dano comunicado. A partir deste intre, inícianse os trámites para dar solución á incidencia detectada. O cidadán á súa vez, recibe notificación no seu teléfono móbil sempre que se produza un cambio no estado da mesma.
Ademais, a través de Línea Verde, o usuario tamén pode expor calquera consulta ambiental. Basta con seleccionar a opción de “Fai a túa consulta” e nun prazo máximo de 24 horas terá resposta por parte dun equipo de expertos na materia de forma completamente gratuíta.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
