A alcaldesa Carmela López explica que o documento “formula 54 medidas para mellorar Burela, facéndoa máis accesible, máis segura e máis saudable”
Burela, 21 de agosto de 2024. O Concello de Burela presentou ante a veciñanza o seu novo Plan de Mobilidade Sostible. O acto tivo lugar no salón de plenos da Casa do Concello.
A alcaldesa de Burela, Carmela López, destaca que se trata dun plan “moi pragmático e que resolve os pequenos problemas da nosa vila”. “Con pequenos axustes podemos conseguir moito sen necesidade de facer grandes cambios”, apunta a rexedora.
A alcaldesa subliña que “foron meses de medicións de vehículos, persoas e ocupación de aparcamentos, de realización de enquisas, mesas de propostas, xornadas de portas abertas, reunións… un traballo no que a participación e o diálogo foron factores clave”.
“O Plan de Mobilidade é un documento técnico, froito de varios meses de traballo, que formula 54 medidas para mellorar Burela, facendoa máis accesible, máis segura, máis saudable”, sinala López.
Deste xeito, o documento pretende servir “para a toma de decisións e para ordear as ideas no tempo, de cara a facilitar a boa relación das persoas co seu entorno”, conclúe.
Ao rematar a presentación realizouse unha pequena enquisa entre os asistentes sobre que investimentos consideraban máis urxentes e en que investirían para mellorar Burela.
O investimento considerado máis urxente foi en accesibilidade para persoas maiores e coa mobilidade reducida, seguido dos investimentos en seguridade nos percorridos da rapazada e os entornos de colexios e parques.
O seguinte investimento en nivel de prioridade para os asistentes foi a ampliación da oferta de estacionamento no centro urbano, seguido da mellora da oferta de bus e tren con outros núcleos de poboación e da interconexión dos paseos marítimos a nivel peonil e ciclista.
O vídeo da presentación está dispoñible na canle de Youtube do Concello de Burela, no enderezo https://youtu.be/VcnfoYdXBeg
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
