O Deputado de Promoción Económica e Social, Pablo Rivera Capón, explicou este venres que a institución provincial remitiu toda a documentación necesaria ao Concello de Castro de Rei e a solicitada polo Ministerio, polo que “o Alcalde mente porque é o único responsable de que este proxecto non vai adiante”
Lugo, 23 de agosto de 2024. A Deputación de Lugo acusa ao Alcalde de Castro de Rei, Francisco Balado, de impedir que o Ministerio de Inclusión, Seguridade Social e Migracións constrúa no antigo Hospital de San Rafael de Castro de Rei un centro de acollida de protección internacional (CAPI). “O único responsable de que non se fixese o proxecto é el, porque cada vez que a provincia ten unha oportunidade histórica de ser un referente, aparece o PP para paralizalo. Tanto Antonio Ameijide como Francisco Balado son uns cenizos, pero, sobre todo, son uns mentireiros”, afirmou o Deputado de Promoción Económica e Social, Pablo Rivera Capón, este venres.
O Deputado explicou que o Alcalde de Castro de Rei fixo estas declaracións agora porque “sabía que era o culpable, pois el é o único responsable de que este proxecto non vaia adiante e se poida perder este importante investimento. Por iso mente cando di que dende a Deputación non remitiu ningún papel ao Concello, cando non é así e é moi fácil de demostrar porque temos a documentación coas datas nas que entraron no Rexistro”. Detallou que dende a Deputación se fixeron todos os trámites que lle solicitou o Ministerio, como a elaboración do memorándum, a valoración do inmoble, o cambio de titularidade do ben, o proxecto de segregación e a aprobación do acordo entre as dúas administracións (Deputación-Ministerio) para a concesión demanial da parcela por 75 anos para esta nova actividade social. Ao mesmo tempo, incidiu, en que foi o propio Ministerio quen dende un primeiro momento tomou a iniciativa para propoñer que este proxecto se desenvolvese na provincia de Lugo e así llo trasladou á Deputación de Lugo.
Así mesmo, Rivera Capón explicou que no mes de abril de 2024 a institución provincial remitiulle ao Concello de Castro de Rei o proxecto de segregación co obxectivo de que se expedira a declaración de innecesariedade de licenza municipal, tal e como establece o artigo 150.6 b) da Lei 2/2016 do Solo de Galicia. Transcorridos tres meses, a Deputación solicitoulle ao Concello a certificación de silencio administrativo positivo, segundo a Lei do Procedemento Administrativo. “Pero non foi ata que pasaron 6 meses cando o Concello de Castro de Rei remitiu un informe denegando expresamente a declaración de innecesariedade, polo que é evidente que non só quixeron dilatar o proxecto, senón que presuntamente puxeron todas as trabas posibles para que non saíra adiante por razóns puramente partidistas e ideolóxicas”.
O Deputado explicou que neste punto, o Ministerio viuse na obriga de renunciar a este proxecto de 17M€ polas trabas e problemas que se lle poñía dende o Concello para poder desenvolver esta iniciativa social, “pois dilatar máis no tempo o proceso podería implicar que non se cumpran os prazos de execución deste proxecto”.
Así mesmo, o Deputado aclarou que o Partido Popular “tamén mente cando di que a Deputación de Lugo perde fondos europeos en relación con este asunto, cando non é así, porque estes fondos execútaos o propio Ministerio, non a Deputación”.
Falta de responsabilidade institucional
Dende a Deputación de Lugo considérase que a decisión do alcalde de Castro de Rei é “unha demostración preocupante de que os intereses partidistas están a primar por riba do ben común. A súa negativa a avanzar cun proxecto que beneficiaría tanto á comunidade local como ás persoas refuxiadas só polo feito de ser impulsado por outra forza política é unha mostra clara de sectarismo e falta de responsabilidade institucional”.
Ao bloquear este proxecto debido a cuestións partidistas, o Alcalde está a prexudicar directamente á veciñanza de Castro de Rei. “A instalación dun centro de refuxiados non só suporía un xesto humanitario, senón tamén unha oportunidade de desenvolvemento económico e social para o concello, porque se xeraría emprego directo e indirecto, ademais de atraer fondos públicos e melloras en infraestruturas. Ao impedir que este proxecto saia adiante, o Alcalde priva ao concello dunha oportunidade de dinamizar a zona e de dar un novo uso a un espazo en desuso”.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
