Máis xuventude e frescura no conxunto masculino do equipo burelés que configura un plantel técnico cheo de enerxía e gañas de traballar para afrontar unha complicada tempada en primeira división
Burela, 29 de agosto, 2024. Ignacio García Castro, Nacho García, de 26 anos, natural de Neda (A Coruña) e vixente adestrador de O Parrulo Ferrol FS xa forma parte do corpo técnico do conxunto masculino do Pescados Rubén Burela FS, acompañando a David Rial como segundo adestrador. O técnico nedense, aínda que xove, conta cun amplo currículo deportivo, tanto no ámbito educativo como no profesional, con experiencia como primeiro adestrador en segunda división tanto masculina como feminina, competindo a tempada pasada, entre outros, ante o equipo do que agora forma parte. Nacho comeza a súa formación na pista aos 18 anos, adestrando ás categorías inferiores de A Fervenza FSF de forma ascendente ata os 21, idade á que pasa a dirixir o A Fervenza FSF “B”. Na tempada 20/21 pasa a estar á fronte do primeiro equipo, en 2ª División de futsal feminino, no que lograron manter a categoría, ata a 22/23 que ficha polo Café Candeas O Parrulo B, de 2ª División B masculina, co que alcanzaron postos de playoff, pasando a ser primeiro adestrador do primeiro equipo do conxunto ferrolán, O Parrulo Ferrol FS, na seguinte tempada, 23/24. Ademais da experiencia profesional, Nacho García é Graduado en Ciencias da Actividade Física e o Deporte e conta co Nivel III de adestrador de fútbol sala.
Nesta pretempada 24/25 Nacho García xa é un máis do equipo conformado por David Rial para esta próxima tempada en Primeira División, na que o acompañará como segundo adestrador. Coa nova incorporación, Alfonso Mera será o preparador físico do equipo e Francisco García, “Pancho”, será adestrador asistente. Continúan Tulio García como fisioterapeuta, Luís Guillén como delegado, Javier Couce como médico e Anselmo seguirá sendo o mellor auxiliar. Fóra de pista tamén seguen formando parte do equipo Cristina Rodil como nutricionista e Miguel Murias como podólogo.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
