O deputado Xosé Manuel Golpe advertiu que estes parques eólicos afectarán ás explotacións agrarias que se encontran dentro da PAC
Santiago de Compostela, 6 de setembro de 2024. O portavoz de Enerxía do Bloque Nacionalista Galego, Xosé Manuel Golpe, na Comisión 6ª de Industria, Enerxía, Comercio e Turismo, denunciou como a Xunta de Galiza evade as súas responsabilidades na instalación de aeroxeneradores no parque eólico do Barqueiro, situado nos concellos do Vicedo e Viveiro (Lugo), Mañón, Ortigueira, Cerdido, Moeche, As Somozas e As Pontes (A Coruña), fóra da Área de Desenvolvemento Eólico.
Un dos argumentos por parte das Administracións para a colocación deste parque eólico na comarca do Ortegal é a proximidade coa factoría de Alcoa, que demanda unha gran produción de enerxía para o seu funcionamento. O deputado Xosé Manuel Golpe destacou que non hai ningunha necesidade de que os aeroxeneradores estean “no Ortegal, na Mariña ou na comarca de Carballo”, porque toda esa enerxía se pode canalizar “dende a meseta” apuntou.
Por outra banda, Golpe alertou da afección territorial que produce a infraestrutura eólica e sinalou que “resulta incompatible cos obxectivos da Política Agraria Comunitaria”. O deputado criticou que “a empresa promotora non avaliou os impactos do proxecto sobre destas explotacións económicas e como repercute a estación eólica nas economías familiares dos núcleos afectados”. Uns impactos non avaliados no proxecto pola promotora, que obvia a existencia de explotacións agrarias, gandeiras, forestais e madeireiras que “constitúen o medio de vida das persoas e familias que habitan e viven no ámbito afectado polo proxecto eólico e as infraestruturas de evacuación” explicou.
Ademais o Instituto de Estudos do Territorio tamén realizou alegacións ao proxecto, a respecto da integración paisaxística, “recolléndose ata catorce medidas correctoras que afectan principalmente ao patrimonio histórico”. Golpe fixo fincapé no “Camiño dos Arrieiros” que consta de case 50 quilómetros dende a localidade das Pontes ata o Porto de Bares, no Concello de Mañón. “É unha vía de comunicación que funcionou secularmente como eixo vertebrador entre as bisbarras do Eume e Ortegal” destacou. Pola súa antigüidade e o seu trazado entre túmulos prehistóricos, este camiño conserva varios asentamentos da Idade de Ferro, de época romana, tardo romana e medieval.
A este proxecto hai que sumarlle unha forte contestación social que recolleu e recolle na contorna da súa aplicación, máis de 300 alegacións. O deputado nacionalista sinalou o rexeitamento unánime da poboación directamente afectada, auto organizada en varias plataformas que “están a loitar dignamente por defender as súas propiedades, o seu modo de vida”.
“Son estes veciños e veciñas as que denuncian o xeito de operar dos axentes de permisos sen escrúpulos, que non dubidan en mentir, ameazar e chantaxear aos propietarios máis débiles para que asinen os precontratos” advertiu
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
