O presidente electo comprometeuse a “traballar dende a humildade e a responsabilidade” da man dun equipo renovado e integrado por mozos e mozas cunha media de idade de 23 anos e procedentes de distintas comarcas da provincia
Lugo, 6 de setembro de 2024. Miguel Gallego resultou elixido presidente de Novas Xeracións da provincia de Lugo no congreso que a formación celebrou este venres 6 de setembro e que contou coa participación da presidenta provincial, Elena Candia, a presidenta de Nuevas Generaciones, Beatriz Álvarez Fanjul, e a presidenta de NNXX de Galicia, Nicole Grueira.
Gallego, de 26 anos e portavoz do PP no municipio de Samos, durante a súa intervención tras ser proclamado presidente agradeceu o apoio e comprometeuse a “traballar dende a humildade” da man dun equipo renovado e integrado por mozos e mozas cunha media de idade de 23 anos e procedentes das distintas comarcas, con formación e intereses diversos e “todos eles moi implicados no noso proxecto político” e “concienciados da responsabilidade que supón representar a todos os membros de Novas Xeracións da nosa provincia”.
O presidente electo subliñou a importancia da Novas Xeracións que “reforzan as bases do Partido Popular da provincia” e “achegan o noso proxecto político aos máis novos e novas”. Así mesmo, avanzou distintos obxectivos de traballo: impulsar agrupacións locais, promover a afiliación para incrementar a base do noso proxecto político, colaborar con alcaldes e portavoces na organización de eventos cos que promover o partido entre os mozos e mozas e desenvolver unha estratexia de comunicación coa que difundir as nosas ideas a través das redes sociais; ademais de manter reunións periódicas.
Miguel Gallego subliñou que, “ao tratarse dunha organización xuvenil que representa aos que estamos comezando unha vida, axudarémonos uns aos outros a nivel persoal e profesional” porque “xuntos somos máis fortes”. Nese sentido, “agardamos o apoio de persoas de distintas idades que representan a esencia do Partido Popular”.
VALENTÍA, UNIDADE E RENOVACIÓN
Elena Candia sinalou que “ao igual que Nicole a nivel autonómico, Miguel foi valente asumindo responsabilidades (ambos encabezaron a candidatura popular nos seus respectivos concellos nas pasadas eleccións municipais). Ambos saben da importancia de ir conseguindo obxectivos que non son outros que construír unha provincia mellor dende a base”.
Así mesmo, agradeceu a participación e gran implicación dos mozos e mozas neste congreso que demostran que “Lugo ten futuro” e animou ao novo equipo que se vén de renovar “a traballar dende a unidade”. A mandataria provincial dixo que “as estruturas xuvenís son necesarias” e, nese sentido, tivo palabras de recoñecemento para o traballo da directiva predecesora e para a aportación de todos os membros de Novas Xeracións.
A presidenta nacional de Nuevas Generaciones, Bea Fanjul, subliñou que “NNGG, al ser una organización compuesta por jóvenes, necesita estar en renovación permanente porque nuestra vida en esta etapa cambia mucho. Por eso los Congresos son fundamentales para que el engranaje no se oxide”. Así, indicou que “NNGG en Galicia es ejemplo de una organización que se está renovando para ser la que mejor se parezca y entienda a los jóvenes gallegos. Hace menos de un año entró Nicole y ahora es el momento de Lugo”.
Cun equipo renovado en Lugo, “Nuevas Generaciones seguirá abordando los retos de la juventud gallega y dando apoyo a Elena Candia a nivel provincial, a Alfonso Rueda a nivel autonómico y haciendo que el mensaje de que España necesita Alberto Núñez Feijoó como presidente del Gobierno llegue a cada rincón de Galicia”.
E, pola súa banda, Nicole Grueira -presidenta de NNXX de Galicia- agradeceu tamén “o magnífico traballo da presidenta saínte e de todo o seu equipo” porque “o seu traballo e compromiso foi clave para o desenvolvemento da organización”.
Nesa liña, convidou á renovada directiva provincial a “seguir traballando con gran ilusión e compromiso en favor da xuventude lucense. Coa determinación de axudar e de construír un futuro mellor, as novas xeracións temos a responsabilidade de representar e responder ás demandas da xuventude galega”. O noso obxectivo é “defender os seus intereses e promover a súa participación activa na sociedade”.
XUNTA DIRECTIVA DE NNXX DA PROVINCIA DE LUGO
A xunta directiva estará conformada por unha vintena de mozos e mozas:
Miguel Gallego (Samos), 26 anos: presidente de NNXX da provincia de Lugo
Cristina Fernández (Lugo), 23 anos: secretaria xeral
Eyner Fernández (Lugo), 26 anos: secretario de organización
Inoa Pardo (Cervo), 23 anos: coordinadora zona norte da provincia
Pablo López (Monforte de Lemos), 21 anos: coordinador zona sur da provincia
Nicolás Pérez (Lugo), 18 anos: vicesecretario de redes e comunicación
Javier Arias (Sarria), 25 anos: vicesecretario de Medio Rural
Alba Pérez (Carballedo), 29 anos: vicesecretaria de Acción Política
Celine Fernández (Vilalba), 25 anos: vicesecretaria de Igualdade
Saúl Fuente (Burela), 19 anos: vicesecretario de Acción Social
Gabriel Piñeiro (Lugo), 22 anos: vicesecretario de Pol. Internacional e Inmigración
María Mouriz (Lugo), 22 anos: vicesecretaria de Políticas para a Xuventude
Sandra de Bernardo (Xermade), 26 anos: vogal
María López (A Pastoriza), 26 anos: vogal
Héctor Troitiño (Castroverde), 18 anos: vogal
Ángel Díaz (Monforte de Lemos), 22 anos: vogal
Brais Rodríguez (Portomarín), 29 anos: vogal
Christian Fernández (Lugo), 29 anos: vogal
Rubén Costa (Lugo), 20 anos: vogal
Ainhoa Valín (Lugo),19 anos: vogal
Gabriel Fernández (Lugo), 19 anos: vogal
Paula Gallego (Lugo), 20 anos: vogal
Gabriel Timiraos (Viveiro), 26 anos: vogal
Miguel Pino (Burela), 25 anos: vogal
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
