A ANPA inicia as mobilizacións ante o incumprimento por parte da Xunta dos acordos sobre agrupamentos previstos para o curso 2024/2025 e a supresión da praza de especialista en pedagoxía terapéutica no centro público de Alfoz
Alfoz, 16 de setembro, 2024. A ANPA do CEIP Plurilingüe Castro de Ouro de Alfoz, acompañada de familias, alumnos, docentes e representantes políticos, levou a cabo unha concentración esta mañá ás portas do centro, coincidindo coa entrada do alumnado, convocada en sinal de protesta ante a carencia de profesorado no inicio do curso escolar 24/25. Na concentración, explicóuselles aos asistentes as reivindicacións do colectivo e gardouse un minuto de silencio “simbolizando a morte dos colexios rurais, á que están abocados pola falta de compromiso da Xunta de Galicia con estes centros”, indican desde a Anpa.
As reivindicacións das familias céntranse no cumprimento dos acordos sobre agrupamentos previstos para o curso 2024/2025 e reposición da praza de especialista en Pedagoxía Terapéutica, suprimida no centro de Alfoz. Así, desde a ANPA declaran que “reclamamos que a Xunta cumpra a Resolución do 10 de xaneiro de 2024”, publicada no DOG de 17 de xaneiro, e que os sindicatos asinantes, “velen polo seu cumprimento”.
Débese recordar que en dita resolución, indícase que nas aulas que escolaricen alumnado de diferentes niveis, ciclos e/ou etapas educativas serán de aplicación as ratios recollidos no Acordo de agrupamentos do alumnado, do 10 de xullo de 2009. Neste Acordo de agrupamentos indicábase que se poderá agrupar o alumnado de primaria pertencente a distinto ciclo nunha mesma unidade cando o número sexa igual ou inferior a 12, polo que desde o colectivo subliñan que “estase incumprindo o acordo pois temos 15 alumnos nun dos agrupamentos” e ademais recordan que “aínda que no outro agrupamento contamos xustamente con 12 alumnos, habería que avaliar se algún deles ten necesidades específicas de apoio educativo o que modificaría a ratio, todo isto agravado polo feito de que nos eliminan a especialista en Pedagoxía Terapéutica coa que contaba o centro”.
Dende a asociación subliñan ademais que “estamos totalmente en desacordo coas declaracións aos medios, por parte da Xunta, nas que se di que este acordo se fará de forma progresiva, pois isto é faltar ao que indica o DOG”. Recordan que dita resolución, concretamente no punto 2.1.1., indica que no curso 2024/25 iniciarase o calendario de aplicación cunha ratio máxima de 20 alumnos/as en 4º de educación infantil, “referíndose a centros que actualmente non teñen agrupamentos”, e con respecto aos centros con agrupamentos, “literalmente di no punto 2.7: Nas aulas que escolaricen alumnado de diferentes niveis, ciclos e/ou etapas educativas serán de aplicación as ratios recollidas no Acordo de agrupamentos do alumnado, do 10 de xullo de 2009”, acordo que non se está cumprindo.
Tras este acto reivindicativo, a Anpa do CEIP Castro de Ouro de Alfoz, continúa a espera dunha resposta oficial por parte da Xefatura Territorial, “creo que como representantes das familias somos un interlocutor necesario coa administración e, a día de hoxe, siguen sen poñerse en contacto con nós”, contando coa única información aportada pola dirección do centro o pasado venres. Ante esta situación, non descartan outro tipo de iniciativas “encamiñadas á defensa do noso colexio”, e celebrarán unha asemblea xeral coas familias o vindeiro venres 20.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
