Foz, 4 de outubro de 2024. O alcalde de Foz, Fran Cajoto, e a concelleira de Asuntos Sociais, Ana Rojo, viaxaron a Santiago de Compostela hoxe, venres, para reclamar á Valedora do Pobo unha reunión coa conselleira de Política Social, Fabiola García, con quen queren falar sobre a residencia de maiores, que é propiedade da Administración autonómica, e doutros asuntos que afectan ao concello de Foz nos que ten competencias este departamento da Xunta.
Con este mesmo obxectivo Fran Cajoto e Ana Rojo xa se desprazaran a Santiago o 20 de setembro e o día 27 do mesmo mes interpelaron á conselleira de Política Social durante unha visita de Fabiola García a Ribadeo.
Os responsables do goberno municipal de Foz mostran o seu malestar por seguir sen ter resposta ás súas solicitudes dunha entrevista coa responsable autonómica. “É indignante que non atenda unha petición de reunión urxente que xa lle remitimos en xuño e que volvemos enviar o 3 de setembro”, manifestan.
Cajoto lembrou que existe un problema coas tarifas da residencia de maiores “derivado da xestión do anterior alcalde”, o popular Javier Castiñeira, que “asumiu unhas competencias impropias ao reclamar para o Concello a xestión do centro, aínda que se comprometeu a que non lle custaría nada a Foz. Pero iso deriva nuns prezos elevados que se está reclamando que baixen, aínda que a única solución posible ten que partir da Xunta”.
O Concello de Foz está gastando anualmente máis de 700.000 euros por prestacións de servizos sociais “que lle corresponde pagar á Consellería de Política Social, pero que ao final repercuten nos impostos de todas as veciñas e todos os veciños. Non imos parar ata que consigamos esa reunión, ata que se escoite as veciñas e veciños de Foz”, insiste o alcalde.
Francisco Cajoto lamentou tamén que “o único que fai Castiñeira agora, tras crear o problema, é engordalo, entorpecer a xestión, evadir as súas responsabilidades e mentir. Ao tempo a Xunta está a bloquear calquera tipo de solución mantendo o silencio e negándose a falar co Concello”.
A concelleira de Servizos Sociais contrapuxo esa actitude coas numerosas reunións que mantivo o equipo de goberno de Foz coa plataforma que crearon os afectados e afectadas e afirmou que o Concello garante que ninguén teña que abandonar a residencia por falta de recursos. “Somos respectuosos cos usuarios e as familias, pero tamén honestos coa xestión dos fondos públicos que, por outra banda, son impostos que saen dos petos das nosas veciñas e veciños. Tan só pedimos que nos conceda media hora do seu tempo e nos escoite. Co debido respecto á conselleira, cremos que é un dereito que nos asiste como representantes lexítimos do pobo de Foz”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
