Coa súa incorporación refórzase a presenza da Garda Civil en 6 postos da provincia, alcanzando unha cobertura superior ao 95% nas unidades de seguridade cidadá
Lugo, 8 de outubro de 2024. A subdelegada do Goberno en Lugo, Isabel Rodríguez, e o coronel xefe da Comandancia da Garda Civil en Lugo, Manuel Touceda, recibiron esta mañá ao alumnado da 129º Promoción da Academia de Gardas de Baeza, que realizarán as prácticas en 6 postos da provincia. Concretamente, iniciarán a segunda fase do seu período formativo 4 homes e 4 mulleres con idades comprendidas entre os 23 e os 39 anos nos concellos de Vilalba, Rábade, Monterroso, Sarria, Burela e Foz.
A subdelegada subliñou o dobre obxectivo de “proporcionar unha experiencia sobre o territorio aos futuros gardas civís, ao tempo que se mellora a presenza de profesionais nas unidades territoriais de seguridade cidadá, alcanzando unha cobertura superior do 95%”.
Durante 40 semanas, estas 8 persoas prestarán servizo nas compañías de Lugo, Vilalba, Monforte e Burela, nos postos anteriormente mencionados, para posteriormente pasar á situación de comisión de servizos á expectativa da obtención de destino a través de concurso. No que atinxe á procedencia dos alumnos e alumnas, 6 son de Lugo, 1 de Pontevedra e 1 da Coruña.
A subdelegada felicitou aos novos gardas destacando “a equidade desta promoción, con 4 homes e 4 mulleres que prestarán servizo na provincia e que son mostra do incremento porcentual de alumnas nas academias de formación e, posteriormente, na Garda Civil”. Nesta liña, trasladoulles a importancia “de que descubrades no día a día esta profesión tan sacrificada pero á vez fermosa, uns meses que de seguro ides lembrar ao longo da vosa futura carreira”. Ademais, destacou o feito de que “iniciedes a vosa andaina en concellos desta provincia, onde o corpo da Garda Civil é moi respectado pola súa contribución non só en materia de seguridade, senón tamén no eido da protección social”.
Reforzo da Garda Civil
Isabel Rodríguez manifestou o incremento orzamentario e formativo do Goberno para que, na actualidade, a Garda Civil dispoña en Galicia do maior número de efectivos na súa historia: máis de 5.300 homes e mulleres.
Neste senso, o pasado mes de xuño aprobouse unha nova oferta de emprego público que permitirá que o ano que vén se incorporen aos centros de formación un total de 2.721 gardas alumnos, a cifra máis alta desde 2009.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
