Ribadeo, 9 de outubro, 2024. O BNG de Ribadeo asegura que o actual goberno local non é quen de licitar nin a quinta parte do que licitaba o anterior en 2022 ou 2023. “Ben vimos, ao longo deste mandato que, niso de gastar á mantenta, non hai quen lle gañe a Daniel Vega; outro cantar é licitar obra pública. No primeiro semestre de 2024 apenas van licitados 365.000€ (fronte aos 2.000.000€ do ano 2022 ou os 3.000.000€ do 2023, ambos períodos licitados polo goberno do BNG). Ben vimos tamén, nesta última semana, que seguimos a ter unha atención sanitaria deficiente. Coas fotos das obras de reforma do Hospital Asilo puidemos constatar que o remate das mesmas vai para un tempo moi prolongado. Namentres, o alcalde aproveita calquera escusa para gabarse das súas amizades, pero pouco pode lucir solucións para os problemas que, día a día, atenazan Ribadeo. O que se lle dá moi ben é crear conflitos con outras administracións aínda que sexa a conta do erario público”, apuntan.
“Iso si: cando desde a oposición lle pedimos información sobre a súa xestión, entón, aí, aparecen os problemas. Non vai máis alá de ano e cuarto de mandato, e o goberno municipal xa dá claros síntomas de esgotamento e de necesitar ocultar información. Que queren agochar? Tanto lles doe comprobar nos plenos que estamos en condicións de fiscalizar ben polo miúdo a súa xestión? A verdade é que algunhas facturas chaman ben a nosa atención; e por iso preguntamos por elas. E tamén pola marcha das contas do concello en xeral: ingresos e gastos. Algo ben básico para coñecermos o estado das contas do noso concello. Pois ben: o goberno municipal, co seu alcalde á cabeza, négase a facilitarnos dita información. Por algo será! Non se tratará dalgún consello que lle puidera ter dado M. Rajoy na súa recente visita!”.
“Seguimos a padecer unha atención sanitaria deficitaria e o alcalde só sabe gabarse, en pleno, de que el non se somete a ninguén cando se trata de reclamar máis medios para o noso centro de saúde. Ben pouco lle loce a súa pretendida independencia. A conta atrás para o regreso das nosas persoas maiores á súa residencia habitual, o Hospital Asilo, segue en marcha, pero a realización das obras semella bastante retardada. A sensación con respecto ao gasto, é totalmente inversa: moi acelerada. Xa denunciamos publicamente que se estaban a dedicar remanentes, que se poderían empregar para investimentos, en gasto corrente. Despois, saltan datos como os coñecidos nesta semana: diminución drástica do investimento no ano 2024. As contas, ao remate, van cadrando: o que se gasta en paparotas non pode ir para investimento real e produtivo. E estamos a comezar o segundo ano de mandato!”. “Non pinta nada ben a cousa”, conclúen.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
