Os deputados populares mantiveron en Viveiro unha reunión de traballo con alcaldes e portavoces dos concellos da zona da Mariña que lles trasladaron as propostas e reivindicacións a aplicar dende a Deputación de Lugo nos vindeiros orzamentos provinciais para 2025
Viveiro, 10 de outubro de 2024. Os deputados do Grupo Provincial Popular esixen “implicación real do goberno provincial do PSOE e BNG co sector turístico garantindo accesos aos puntos de interese da Mariña, maior cooperación cos Concellos en temas coma o ciclo da auga e apoio aos sectores primarios e ao do mar” tras manter en Viveiro unha reunión con alcaldes e portavoces da zona da Mariña.
O portavoz, Antonio Ameijide, o viceportavoz Demetrio Salgueiro (alcalde de Xove) e os deputados Clemente Iglesias (alcalde de Riortorto) e José María Fernández (portavoz do PP de Trabada) escoitaron as propostas dos representantes de Abadín, Alfoz, Barreiros, Burela, Cervo, Foz, Lourenzá, Mondoñedo, Muras, Ourol, A Pontenova, Ribadeo, O Valadouro, O Vicedo e Viveiro.
Con esta nova xuntanza de traballo os deputados provinciais do PP dan continuidade ás celebradas en distintos puntos da provincia para recoller “propostas aos Orzamentos da Deputación de Lugo para o vindeiro 2025, reivindicacións e as principais demandas dos veciños e veciñas ante asuntos que son competencia da Deputación de Lugo, da man das persoas que comparten o seu día a día de forma máis próxima”.
O voceiro popular, Antonio Ameijide, comparte a reivindicación de alcaldes e portavoces en relación á necesidade de que o goberno da Deputación de Lugo aposte de forma decidida polo turismo. “Unha forma de contribuír a potenciar o sector turístico é mantendo en bo estado as estradas da súa titularidade que dan acceso aos puntos de interese da comarca, tanto na costa coma nos concellos do interior. É unha das reivindicacións que vimos realizando de forma habitual: garantir a seguridade nas estradas provinciais para veciños e visitantes”, incide. Durante a xuntanza tamén se puxo enriba da mesa estudar a posibilidade de organizar os traballos de conservación e desbroce das marxes en función da intensidade do tráfico e por épocas do ano.
A cooperación económica, xurídica e técnica cos Concellos, que é unha das competencias propias da Deputación Provincial, para axudar a aqueles máis pequenos a prestar servizos da súa competencia é outra das reivindicacións dos populares. “Son moitos os ámbitos nos que pode axudar a Deputación de Lugo aos concellos da provincia, pero o goberno de PSOE e BNG prefire repartir os fondos provinciais a dedo, a través de convenios, entre os concellos gobernados polos seus amiguetes”, segundo subliña Ameijide. Nese sentido, o popular lembra que “se teñen negado a aumentar o Plan Deputación, tal e como propoñía o noso Grupo, e a repartir os fondos de forma obxectiva entre tódolos concellos da provincia”.
Ameijide indica que “a xestión do ciclo da auga está a ser xa un problema para moitos concellos e será un problema importante nun futuro próximo”. Tendo en conta que “as deputacións deben cooperar cos concellos de menor capacidade económica e de xestión para garantir a prestación de servizos” e que “o ciclo da auga é unha competencia exclusivamente municipal, a Deputación de Lugo debería colaborar cos Concellos da provincia neste tema”, subliña. “Pero o goberno de PSOE e BNG non só deixou pasar a oportunidade de liderar un proxecto conxunto para que os Concellos da provincia captasen fondos do PERTE de auga; senón que tamén votaron en contra da proposta do PP de elaborar un plan de apoio aos Concellos específico para a xestión do ciclo da auga”, incide o portavoz.
Os populares non esquecen, entre outros temas, a importancia do sector primario, o forestal e o mar para a comarca. “Son sectores importantes para a nosa provincia e, polo tanto, a Deputación Provincial debe telos en conta e buscar fórmulas de apoio e reservar medios económicos para elo nos vindeiros orzamentos””.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
