Os populares felicitan á asociación, loan a xestión do Concello de Xove e agradecen o investimento da Fundación Amancio Ortega
Viveiro, 18 de outubro de 2024. Viveiro perdeu a oportunidade de contar no municipio cunha residencia para persoas con diversidade intelectual pola que levaban anos loitando dende a Asociación de pais de persoas con discapacidade intelectual de Viveiro (Aspanane) debido á “nula capacidade de xestión, liderado e peso político da señora Loureiro”, segundo a portavoz do PP, Mariña Gueimunde.
A popular felicita á asociación, loa a xestión do Concello de Xove por xestionar e aprobar a cesión dunha parcela en apenas semanas e agradece á Fundación Amancio Ortega o investimento de 10M€ para a construción e a dotación de equipamento do centro residencial. Gueimunde subliña, nese sentido, que “aínda non escoitamos o agradecemento público da alcaldesa e a tenente de alcaldesa ante este importante investimento para unha asociación do noso concello”.
Os populares afean que “o goberno local leva arredor de 8 anos dando voltas, buscando culpables e escusas” e a realidade é que “a señora Loureiro e a señora Bermúdez deixan a Viveiro sen este servizo social. Escápaselle unha oportunidade. Viveiro perde servizos, postos de traballo e un importante investimento”.
Gueimunde lembra que “a rexedora socialista non foi capaz de negociar cun Goberno amigo como é o Goberno de España a cesión gratuíta do antigo colexio de Celeiro – propiedade do Instituto Social da Mariña dependente do Ministerio de Inclusión, Seguridade Social e Migracións- para o traslado da Escola Oficial de Idiomas (EOI) situada na segunda planta do edificio da rúa Lavandeiras permitindo usar a súa totalidade para habilitar a residencia”. É dicir, “nin o PSOE cre no proxecto de María Loureiro para Viveiro”. De feito, “non existen investimentos do Goberno no noso concello”.
“Dende o Partido Popular levamos moito tempo insistindo na necesidade de contar cun centro residencial destas características e presentando formalmente iniciativas nas distintas administracións co obxectivo de facer realidade a prestación deste servizo en Viveiro”, explica Gueimunde. Pola contra, “o goberno local despreocupouse do tema de Aspanane e tampouco aproveitou a oportunidade cando en xaneiro do 2023 unha modificación normativa facilitaba a cesión de inmobles da Seguridade Social a Concellos e outras administracións de forma gratuíta”.
CRONOLOXÍA
En novembro do 2017, o daquela delegado da Xunta en Lugo -José Manuel Balseiro- mantén unha reunión con representantes da asociación para buscar solucións ao traslado da EOI. Menos de dous meses despois, en xaneiro do 2018, valora co Concello posibles ubicacións. Descartada outras opcións; sinalaban a posibilidade de trasladar a Escola Oficial de Idiomas ao antigo colexio de Celeiro que é propiedade do Instituto Social da Mariña, pero requiriría unha importante reforma.
Máis dun ano despois, en febreiro do 2019, anúnciase un acordo entre a Xunta, a Deputación e o Concello para sufragar a partes iguais as obras de reforma do antigo colexio de Celeiro que ascenderían a 525.000 euros e que suporían 175.000 euros a cada unha das administracións.
En novembro do 2020, o Parlamento de Galicia aprobaba por unanimidade instar ao Goberno central a formalizar a doazón do edificio do antigo colexio á maior brevidade posible. E, á vista de que o Goberno accedía a ceder o edificio pero o que quería era facer caixa a costa desta operación pedindo 770.000 euros, os deputados do PP volveron levar o asunto ao Parlamento.
Tamén o PP no Concello pediu explicacións e presentou iniciativas de forma oficial. De feito en febreiro do 2022 anunciaban a solicitude dun pleno extraordinario para pedir a materializar o acordo perfilado no 2019 polas tres administracións que finalmente “quedou nunha simple comparecencia da alcaldesa nun pleno ordinario porque non o considerou o suficientemente importante para celebrar un pleno extraordinario”.
Tralo anuncio do Concello de Xove en xaneiro do 2023 polo que se comprometía a habilitar unha parcela municipal no prazo de dous meses, “o Partido Popular advertiu, pero o goberno local non reaccionou”. E a finais de febreiro dese mesmo ano o Pleno do Concello de Xove aprobaba a cesión dos terreos.
Paralelamente, o 25 de xaneiro de 2023 o BOE publicaba unha modificación do Real Decreto 1221/1992, de 9 de outubro, sobre o patrimonio da Seguridade Social que permite adscribir bens da súa titularidade -coma o antigo colexio de Celeiro- a outras administracións públicas para o que sería preciso formular unha solicitude identificando o ben e motivando as causas da petición que se presumirán de utilidade pública.
En setembro do 2023, o Ministerio xa cedera máis de 20 inmobles grazas a esta modificación normativa; pero non o edificio do antigo colexio de Celeiro porque “o goberno local non estivo atento a esta oportunidade coa que dar solución ao traslado da EOI de forma que se garantise a permanencia de ambos servizos en Viveiro, o municipio máis poboado da Mariña e o terceiro da provincia”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
