Nota de prensa:
A Deputación dá traballo a 27 desempregados da provincia co 1º Centro de Innovación Social de Galicia
– Economistas, educadores sociais, administrativos e técnicos audiovisuais, entre outros, conforman o equipo do centro denominado “In Lugo”, dedicado á innovación empresarial no campo do benestar social
– Ademais de crear emprego, a Deputación aforrará cartos ás PEMES ofrecéndolles probas con público real e experimentos dos seus produtos antes de saír ó mercado
– 18 titulados medioambientais iniciaranse en empresas coas bolsas da Deputación ofertadas ata o 2 de novembro
A Deputación publicou este xoves na súa páxina web e no taboleiro de anuncios a listaxe de traballadores admitidos, tras o recente proceso selectivo, que pasarán a integrar o 1º Centro de Innovación Social que existe en Galicia. En España só existen infraestruturas semellantes en Cataluña, Bilbao e Guipúscua pero ningunha delas está dedicada ó benestar social, como será o caso de Lugo. In Lugo –nome oficial do centro-, está dotado inicialmente de 1,5 millóns de euros grazas ó Plan Avanza e co-financiado polo Ministerio de Industria, Comercio e Turismo. In Lugo permitirá dar traballo a 27 desempregados de diferentes sectores da provincia que iniciarán as súas funcións a principios de novembro.
Licenciados en Ciencias Económicas ou Dirección e Administración de Empresas, diplomados en Humanidades, Educación Social, conserxes, persoal de oficina e ata axentes dinamizadores Multimedia-TIC e de Benestar Social conforman o equipo de profesionais que traballará a partir de novembro nas instalacións da Fundación TIC da rúa Plácido Rei Lemos, aproveitando o piso superior do edificio e os medios tecnolóxicos da Escola de Imaxe e Son dependente da Deputación.
A iniciativa do organismo provincial, ademais de xerar emprego na provincia, aforrará cartos ás PEMES, xa que poderán experimentar cun público real os seus produtos e servizos dedicados ó benestar social antes de arriscarse no mercado. Pero In Lugo tamén fomenta unha terceira idade activa, impide o illamento da poboación e dinamiza o tecido industrial. O seu obxectivo será a creación de servizos e produtos que melloren a calidade de vida dos colectivos máis desfavorecidos mediante a colaboración directa de profesionais e cidadáns.
Deste xeito, impulsarase a creación de novidosos proxectos baseados nas TICs para facilitar a vida dos maiores e persoas dependentes, como están a facer con moito éxito os outros centros abertos en España.
Máis emprego medioambiental
Dentro da aposta da Deputación pola creación de emprego, outros 18 recén titulados da provincia en enxeñerías medioambientais, agropecuarias, industriais, agroalimentarias, así como licenciados en Ciencias ou Turismo, tamén teñen a oportunidade de lograr traballo coas bolsas europeas remuneradas do organismo provincial. Trátanse das bolsas Lug02, -o programa medioambiental da Deputación dotado de 5 millóns de euros e co-financiado nun 70% pola Unión Europea-, que ofertan 4 meses de prácticas en prestixiosas empresas no Reino Unido, Italia, República Checa, Portugal, Alemania e Austria, e 8 meses en entidades lucenses situadas nas 3 Reservas da Biosfera da provincia.
A Deputación faise cargo de todos os custes: a viaxe de ida e volta, aloxamento, manutención e gastos dos organismos de acollida na cidade de destino; supoñendo un custe cero para os beneficiados. A maiores, durante a estancia nas empresas de Lugo recibirán 1.000 euros mensuais.
Os interesados poden formalizar a súa solicitude ata o 2 de novembro, chamando ó número de teléfono 982 26 00 46, na web da Deputación ou no enderezo electrónico: lugo2@deputacionlugo.org
Os participantes teñen que estar empadroados nalgún dos Concellos da provincia e dispoñer dunha titulación académica relacionada cos fins do programa medioambiental , obtida durante os anos 2007, 2008, 2009 ou 2010.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
