Viveiro, 24 de outubro de 2024. O Concello de Viveiro está presente en Xantar 2024, o Salón Internacional de Turismo Gastronómico que se celebra en Ourense.
A vila conta cun stand propio no que ata o domingo se promociona o atractivo histórico e paisaxístico da comarca, a Semana Santa e a súa gastronomía.
Na xornada de hoxe, estivo representando a Viveiro o segundo tenente de alcaldesa e concelleiro de Mar, Jesús Fernández.
O concello ofreceu en Xantar unha degustación de empanada de merluza do pincho e Pan dos Apóstoles, e difundirá durante estes días material de promoción turística.
“Viveiro é natureza, patrimonio histórico e cultural, paraxes extraordinarias, montaña, mar… e por suposto un moi boa gastronomía, poñendo na mesa a excelente materia prima que nos da Galicia”, afirmou Fernández.
“Desde hai anos, traballamos ademais para acompañar todo isto dunha ampla oferta cultural, deportiva e de lecer, e aí está a nosa Semana Santa, o Resurrection Fest, a programación do Teatro Pastor Díaz, as festas patronais, o noso Nadal ou o Entroido”, engadiu.
O concelleiro do Mar puxo en valor que “o sector pesqueiro e Viveiro, e en concreto o porto de Celeiro, traballa duro cada día baixo estrictos criterios de sostenibilidade para facernos chegar un produto único, a merluza do pincho, un produto estrela sexa cal sexa a súa forma de elaboralo e de presentalo”.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
