Nota de prensa:
Os socialistas limitábanse a requirir unha área única de xestión integrada para o Hospital da Costa, excluíndo a posibilidade de implantar a xestión integrada noutras áreas sanitarias de Galicia nas que tamén pode funcionar esta fórmula
O PARTIDO POPULAR DEFENDEU UNHA EMENDA, REXEITADA POR PSOE E BNG, NA QUE PEDÍA AVANZAR NA XESTIÓN INTEGRADA ENTRE ATENCIÓN PRIMARIA E ESPECIALIZADA
* Os populares lembran que en repetidas ocasións a conselleira de Sanidade xa deixou claro que o xerente da área sanitaria da Mariña xestionará todos os recursos humanos, materiais, infraestruturas e prestacións da área sanitaria e terá baixo a súa responsabilidade ademais do Hospital e os PAC, os centros de saúde que ata o de agora dependían de Lugo.
* Dámaso Lopez a hipocrisía do PSOE que esquece que na pasada lexislatura o bipartito prevía xestionar desde Ferrol a área sanitaria da Mariña, así como tamén que cando deixou o Goberno 4.000 mariñáns estaban sen citar e negábaselles a consulta cos médicos especialistas.
Santiago, 29 de outubro de 2010.- O deputado do Partido Popular de Galicia, Dámaso López Rodríguez, defendeu no día de hoxe na Comisión de Sanidade do Parlamento galego, unha emenda, rexeitada por PSOE e BNG, na que pedía avanzar no decreto que regula a xestión integrada sanitaria, isto é a que une baixo un mesmo xerente a atención primaria e especializada.
A iniciativa dos socialistas, que non quixeron incorporar o texto da emenda popular, limitábase a requirir unha área única de xestión integrada para o Hospital da Costa de Burela, excluíndo polo tanto a posibilidade de implantar esta nova fórmula de xestión noutras áreas de Galicia, tal e como pedían os populares. O PSOE incorría ademais en permanentes contradicións, xa que reclamaba só para A Mariña lucense unha estrutura cuxa posta en marcha viñeron criticando repetidamente no pasado.
Na intervención no Parlamento Dámaso López recordoulles aos socialistas que o seu discurso era contraditorio co defendido polo PSOE na pasada lexislatura cando desde a Xunta bipartita prevían facer desaparecer a área sanitaria desta comarca e integrala na de Ferrol da que dependería o Hospital da Costa.
Pola contra agora o novo Goberno galego aposta, tal e como explicou en diversas ocasións o propia conselleira de Sanidade, Pilar Farjas, por deixar claro que tanto na Mariña lucense como naquelas áreas nas que se estableza o novo sistema de xestión integrada, o xerente –no noso caso o do hospital- xestionará todos os recursos humanos, materiais, infraestruturas e prestacións da área, e non só iso, senón que ademais terá baixo o seu mando ademais do centro hospitalario e os PAC, os centros de saúde –atención primaria- que ata o de agora dependían de Lugo.
Tras finalizar a comisión o deputado popular Dámaso López cuestionou tamén que os socialistas falasen do incremento da listas de espera no Hospital da Costa como argumento principal da súa intervención. De feito Ismael Rego obviou en todo momento que o bipartito deixou a 4.000 pacientes sen citar para consultas cos especialistas. Persoas ás que se lles negaba entonces a asistencia médica que precisaban e que agora si están a ser atendidas no Hospital da Costa.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
