Cervo, 13 de novembro de 2024. O proxecto “Cada Pinga Conta” que foi presentado o pasado mes de xullo dentro do programa Agrupacións Escolares, xunto cos centros educativos CRA Lena (Asturias), CEIP Tagoror (Gran Canaria), CEIP de Cervo (Lugo), CEIP Pintor Sorolla (Elda) e o CEP Antonio de Ulloa (Cartaxena), foi aprobado polo Ministerio de Educación coa segunda mellor valoración a nivel nacional.
Cada un dos centros participantes recibirá unha subvención superior aos 10.000 euros para completar o proxecto. Os estudantes de primaria serán os responsables de levar a cabo esta importante iniciativa, que finalizará dentro de dous anos cunha gran mobilidade do alumnado de sexto dos cinco centros educativos durante o mes de xuño de 2026, nunha viaxe aos Pirineos.
A elección da temática do proxecto, “Cada Pinga Conta”, que ademais coincide co Proxecto Documental Integrado do centro para este curso, baséase na necesidade de concienciar á sociedade sobre a importancia dun uso responsable da auga, un dos maiores desafíos do século XXI ao que se enfrontará a sociedade e, por tanto, o alumnado. Ademais, terase en conta a súa integración curricular, dado que a auga é unha parte esencial da química da vida.
A través deste proxecto, contribuirase á adquisición dos Obxectivos de Desenvolvemento Sostible (ODS) da Axenda 2030. Con todo, o título do proxecto encerra unha metáfora, xa que “Cada pinga conta” fai referencia directa á inclusión de todos os membros das comunidades educativas que forman a agrupación, cun enfoque especial cara ao alumnado máis vulnerable.
O proxecto ten como obxectivo traballar o perfil competencial do alumnado, especialmente no que respecta á competencia lingüística, dixital, social e cidadá. A cooperación territorial ampliará a contorna de aprendizaxe de todos os membros da comunidade educativa, enriquecendo tanto a formación do profesorado como o proceso de aprendizaxe do alumnado da agrupación.
Todo isto levará a cabo mediante a implementación de metodoloxías activas e o fomento de aprendizaxes no ámbito STEAM, desde unha perspectiva integradora e de compensación de desigualdades, na que a inclusión e a equidade serán os principios fundamentais que guiarán a práctica docente e o desenvolvemento deste proxecto.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
