Foz, 21 de novembro de 2024. O xerente do Consorcio Galego de Igualdade e Benestar, Perfecto Rodríguez, atendeu ao alcalde de Foz, Fran Cajoto, e á concelleira Ana Rojo este martes en Santiago, en resposta á reiterada petición de reunión solicitada á conselleira de Política Social e Igualdade, Fabiola García, que non os recibiu por “problemas de axenda”, segundo xustificou o gabinete da conselleira.
Fran Cajoto explica que “a reunión foi convocada despois da pregunta parlamentaria rexistrada polas deputadas socialistas Lara Méndez López, Silvia Longueira Castro e Elena Espinosa Mangana o pasado 14 de outubro no Parlamento de Galicia na que se requiría contestación ao requirimento: Ten previsto a conselleira de Política Social recibir e atender as peticións que lle ten trasladado o alcalde de Foz?”.
Á reunión de traballo asistiron o alcalde de Foz, a concelleira de Servizos Sociais e Benestar, Inclusión e Inmigración, o xerente do Consorcio Galego de Igualdade e Benestar e as responsables das áreas xurídicas do Concello e do Consorcio.
O alcalde de Foz explica que “foi unha reunión na que a Consellería de Política Social da Xunta de Galicia non se comprometeu a absolutamente nada. Desde o Concello de Foz solicitamos unha adenda ao convenio de xestión da residencia, cunha achega mínima anual do Consorcio de 200.000 euros e dixeron que non; dixeron que non a baixar os prezos da residencia. O Concello de Foz asumiu sen ter as competencias no ano 2024 máis de 700.000 euros que corresponden á Consellería de Política Social -370.000 no caso da residencia e 336.000 en concepto de SAF-. Tampouco nos quixeron dar unha data para a transferencia da propiedade do edificio da residencia ao Concello; a pesar de estar recollido no convenio de xaneiro do ano 2023 están todos os trámites sen facer. Dixeron que non a unhas peticións, anotaron outras e solicitáronnos de palabra máis documentación da finca que aportou o Concello no seu momento para a construción da residencia. Creo sinceramente que Foz merece algo máis”.
Fran Cajoto engade que “é evidente o que está a pasar: a conselleira foi dúas veces nun mes a sacarse fotos nun concello veciño e non tivo oco na axenda para unha reunión de traballo. Delega a reunión e só convoca cando hai unha pregunta parlamentaria polo medio, despois de pedirlla ata en persoa. Imos solicitar unha nova reunión coa conselleira, para esixirlle un compromiso político de verdade co pobo de Foz e que abandone as escusas. Temos unha residencia pequena e un asilo propiedade da Fundación Martínez Otero que é preciso poñer en valor e creo sinceramente que debemos traballar de forma conxunta. Compromisos políticos non só co alcalde senón tamén coas veciñas e veciños de Foz. Non podemos e non debemos resignarnos a que a Consellería só invista en Ribadeo, Xove ou Cervo. Xa vamos tarde”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
