Burela, 28 de novembro, 2024. A Organización de Produtores Pesqueiros do Porto de Burela organizou na mañá do xoves 28 de novembro unha nova edición da súa xornada anual sobre “Obrigación de desembarque e valorización de especies de alto potencial comercializador”, á que asistiron representantes de 26 barcos das empresas asociadas á OPP e que identifican as súas distintas modalidades de pesca.
Na apertura da xornada, que tivo lugar no salón de actos de Armadores de Burela, participaron o director xeral de Pesca, Acuicultura e Innovación Tecnolóxica da Consellería do Mar da Xunta de Galicia, Antonio Basanta, e Sergio López, xerente de OPP Burela. O acto dividiuse en tres bloques temáticos atendendo ao propio título da xornada.
A primeira parte serviu para analizar as novidades na implemetación da OD para o próximo ano, desde unha dobre perspectiva da administración pública: desde a xestión pesqueira (Subdirección Xeral de Caladoiro Nacional e Augas Europeas do MAPA) e desde o control (Subdirección Xeral de Vixilancia e Loita contra a Pesca Ilegal do MAPA).
Guillermo Bravo, xefe de área da SG de Caladoiro Nacional e Augas Comunitarias, revisou as principais cuestións da OD para dar resposta aos descartes. Explicou o proceso na adopción das propostas comunitarias, as exencións anuais e o mecanismo de implementar na práctica a normativa nas augas occidentais (Rglto 2023/2623) que está en vigor para o período 2024-2027.
Pola súa banda, Cristina Laborda, xefa de área de Control da SG de Vixilancia e Loita contra a Pesca Ilegal, centrouse nas principais novidades da actualización na normativa de Control co Rglto UE aprobado o ano pasado (Rglto 2023/2842) e que ten un calendario de implementación progresiva ata xaneiro de 2030. Detívose nas principais novidades para a actividade pesqueira, rexistros, control de medidas técnicas, marxe de tolerancia, etc.
Na segunda parte da xornada presentáronse de forma práctica os resultados do proxecto REDIPESCA 2, proxecto dirixido polo IEO e realizado na frota de arrastre de fondo de litoral, no que, ademais de analizar a selectividade da arte de pesca, comprobáronse os resultados cunhas novas portas voadoras para evitar o seu contacto nos fondos mariños, analizouse o rendemento das capturas e as melloras no consumo de combustible. Os seus obxectivos eran os de diminuír o impacto ecolóxico, diminuír o consumo enerxético (ao eliminar a fricción cos fondos), mellorar a seguridade nas largadas e viradas e mellorar a calidade nas capturas.
José Carlos Fernández, técnico superior do Instituto Español Oceanografía, explicou este proxecto cunha dobre observación, tanto electrónica como de automuestreo a bordo e co uso e comprobación dos datos de dous tipos de portas: semipeláxicas e as habituais de fondo. A principal conclusión do proxecto foi demostrar unha mellora coa redución do 64% na resistencia ofrecida polas portas sobre os fondos, un non impacto nas capturas. Este proxecto achega datos científico-técnicos que servirán para a futura instalación de novas portas, analizando o seu impacto no consumo de combustible e nas capturas.
A terceira parte da xornada consistiu na presentación de dous proxectos da OPP Burela a cargo de Julio Sánchez, responsable da consultora Imbatia. Por unha banda, expuxéronse as conclusións do plan de aliñación cos Obxectivos de Desenvolvemento Sostible (ODS) realizado durante o ano pasado, e por outro presentouse un futuro proxecto a desenvolver en 2025 sobre a posible descarbonización nas frotas da OPP.
Como en anos anteriores, a xornada finalizou cunha degustación gastronómica de especies de alto potencial comercializador. Nesta edición seleccionáronse sete especies en representación das diferentes frotas: caella, peixe espada, cabra de altura, bertorella, sabre negro, pota e xurelo.
As receitas que se puideron degustar nesta edición foron: empanada de millo con xurelo, fritos de pota con panko, goulash de tintorera, hamburguesas de peixe espada, croquetas de cabra de altura, salpicón de bertorella e mariscos, e por último, sabre negro marinado en redución de Albariño.
Estas Xornadas enmárcanse no obxectivo da prevención e redución das capturas non desexadas, e para manter informados os socios da OPP sobre as prácticas de pesca que eviten e reduzan as capturas non desexadas e promover a súa valorización á vez que promoven o coñecemento sobre a Obrigación de Desembarque. Están incluídas no plan de produción de OPP Burela e contan con axudas económicas da Unión Europea a través do FEMPA e da Xunta de Galicia a través da Consellería do Mar.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
