Foz, 28 de novembro de 2024. Foz continúa esta fin de semana coa súa ampla programación cultural, con dúas representacións teatrais e un concerto.
A concelleira de Cultura, Inés López Couto, anuncia que “o Concello de Foz é sinónimo de investimento cultural. Esta fin de semana volve a ser intensa, con actividades todos os días e para toda a familia” e especifica: “este venres comezamos coa representación teatral Invisibles, de Redrum Teatro. Será na Sala Bahía ás 20:30 horas, con entradas a 5 euros. Invisibles é todo o que non queremos que sexan os casos de violencia contra a muller. Por iso traemos esta obra con fonda mensaxe social.
O sábado ás 20.00 horas na Sala Bahía a Banda de Música de Foz celebrará o seu concerto de Santa Icía, para facernos desfrutar a todos da boa música. Este ano os colaboradores son mestres do jazz, que os acompañarán para deleitarnos co seu ritmo. E para cerrar unha finde completa de actividade, o domingo ás 12.00 horas chega á Casa da Cultura Manuel María a obra de teatro Kyoki, da compañía Elefante Elegante. Á entrada será a 2 euros para os nenos e 3 euros os adultos. Kyoki significa demencia. É unha obra para familias na que o público se implica e na que coa linguaxe xestual se fala da memoria da vellez, da soidade e da dura tarefa dos coidados. Unha obra para reflexionar”.
O alcalde de Foz, Fran Cajoto, recomenda “pasar por Foz esta fin de semana xa que é sinónimo de actividade. Estamos no preludio do Nadal e da nova programación, que terá o seu inicio o día 5 de decembro, co acendido da iluminación e para o que xa se está a preparar todo”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
