En termos laborais, esta rebaixa provocará que os máis de 2.000 tripulantes existentes na comunidade deixen de percibir nos seus salarios 9,7M€
Santiago de Compostela, 2 de decembro de 2024. O conselleiro do Mar, Alfonso Villares, alerta de que a proposta do Consello Internacional para a Explotación do Mar (ICES), de rebaixa de pescada supón unha perda de ingresos de 73,9 millóns de euros para a economía galega.
O responsable autonómico así o expuxo na reunión do Consello Consultivo de Políticas Agrícolas e Pesqueiras para Asuntos Comunitarios, que tivo lugar esta tarde, e na que se detallou o informe do departamento que dirixe, que tamén revela que o impacto xeral, contando cunha redución xenérica do 28% sobre a cota actual e en base aos desembarques do último ano, acumula unha minoración de 4.287 toneladas.
Así, en canto á repercusión por lonxas, a afectación para a comercialización alcanzará os 27,9 millóns de euros, pois Galicia recibe descargas desta especie procedentes de outras frotas con porto base noutras comunidades e en Estados membros, o que xera un elevado afluente de desembarques por valor de 24,5 millóns; é dicir, case o 29% do total de facturación que se obtén na comunidade pola primeira venda de pescada.
A Mariña, a zona máis prexudicada
Segundo expuxo Villares, o impacto sería soportado basicamente pola frota do Gran Sol, sendo especialmente a de palangre de fondo a que acusaría esta rebaixa, cifrando a súa porcentaxe sobra a baixa xenérica nun 85%. Deste xeito, a zona da Mariña acusaría o maior descenso ao serlle atribuído o 92% dese impacto económico.
Neste senso, as perdas sitúanse en valores próximos aos 22 millóns de euros, de forma que Burela e Celeiro serían, de novo, os peiraos máis afectados en canto a esta rebaixa de ingresos das súas lonxas, ao xerar estas un beneficio que supoñen o 45,3% e o 46,4% das descargas e primeiras vendas desta especie en Galicia. En termos económicos, esta rebaixa impactaría nestes portos principais xerándose unha minoración nos ingresos de 10,8 e 11 millóns de euros, respectivamente.
Polo que respecta aos datos por portos base, os de Lugo, con algo máis de 14,5 millóns de euros, serían os máis afectados pola influencia negativa desta proposta, ao serlles atribuídos o 86% dese impacto económico en primeira venta. Así, Celeiro e Burela son os máis prexudicados en canto a esa rebaixa nos ingresos da súa frota, ao xerar esta unhas descargas que supoñen o 47 e 39% dos desembarques de pescada en Galicia. En termos económicos, para estes mesmos portos, esta rebaixa impactaría xerando un descenso nos ingresos de 7,9 e 6,6 millóns de euros, respectivamente.
En total, son 7 os portos galegos que se ven afectados por este impacto económico polas perdas ocasionadas. Ademais dos da Zona IX-A Mariña (Burela e Celeiro), os outros peiraos que acumularían perdas son os situados nas Zona I (Vigo), Zona III-Arousa (Ribeira), Zona VII A Coruña-Ferrol (A Coruña), e Zona VIII Cedeira (Cariño e Cedeira).
Impacto laboral
Os efectos que esta proposta de rebaixa de TAC teñen tamén consecuencias negativas sobre o emprego, de tal xeito que o impacto sobre os salarios da tripulación cifraríase nos 9,7 millóns de euros de minoración. Isto suporía que o recorte medio de salario por tripulante inducido (máis de 2.000 en toda Galicia) por esta proposta superaría os 4.800 euros.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
