O Deputado de Promoción Económica e Social e o Presidente da Federación Galega de Comercio presentaron en San Marcos a iniciativa á que a institución provincial achega 50.000€ para “dinamizar a provincia e impulsar o consumo responsable”
Lugo, 4 de decembro de 2024. A Deputación de Lugo e a Federación Galega de Comercio poñen en marcha a campaña Regala en Nadal, Merca en Local, unha iniciativa para fortalecer o comercio de proximidade, fomentar o consumo responsable e impulsar a economía local durante unha das tempadas festivas máis importante en vendas do ano. O Deputado de Promoción Económica e Social, Pablo Rivera, e o Presidente da Federación Galega de Comercio, José María Seijas, presentaron este mércores no Pazo de San Marcos a iniciativa, á que a institución provincial achega 50.000 euros.
Pablo Rivera destacou durante a presentación que esta campaña enmárcase no compromiso da Deputación de apoiar accións “que fortalecen o tecido comercial da provincia, buscando dinamizar as vilas, impulsar o consumo responsable e premiar a fidelidade dos consumidores que apostan polo local”. Nese sentido, sinalou que “o comercio local é moito máis que unha actividade económica e que mercar na tenda de sempre é apostar polo futuro das nosas vilas, polas familias que con esforzo e ilusión manteñen viva a nosa economía local”.
Enmarcou esta campaña no compromiso do Goberno provincial por fortalecer o tecido comercial da provincia e dinamizar as economías locais durante unha das épocas de maior consumo do ano. “Cada euro que gastemos no comercio local é unha inversión nos nosos concellos”, sinalou o Deputado.
Xornadas de animación familiar e sorteos
Regala en Nadal, Merca en Local inclúe a celebración de tres festas de temática navideña e animación familiar en diferentes localidades da provincia. Desenvolveranse actividades de animación, actuacións infantís, música, unha chocolatada e sorteos en directo de tarxetas prepago por un total de ata 3.000 euros, cun total de 4.500 euros en premios por localidade. O 14 de decembro a festa terá lugar na Praza de España, en Monforte de Lemos; o 18 de decembro a cita desenvolverase na Praza Conde Fontao de Foz; finalmente, o 19 de decembro Lugo acollerá esta xornada festiva na Praza Maior. En todos os casos, estas festas do comercio local arrancarán ás 17.00 horas.
Para participar nos sorteos, os consumidores deberán presentar tíckets de compra de 10 euros ou máis, realizados en comercios locais durante o mes de decembro. Cada un poderá ser cambiado por un boleto para participar nos sorteos de tarxetas prepago nas seguintes franxas horarias:
18:00 horas: Tarxeta prepago de 500€
19:00 horas: Tarxeta prepago de 1.000€
20:00 horas: Tarxeta prepago de 3.000€
Cada localidade repartirá un total de 4.500 euros en premios. Os afortunados deberán gastar as tarxetas prepago nunha única xornada de compras nos comercios de proximidade da localidade que elixan dentro da provincia de Lugo. A data límite para realizar as compras será o 30 de decembro de 2024.
Apoio ao pequeno comercio e impulso da economía local
Pola súa parte, José María Seijas agradeceu o apoio da Deputación ao comercio local. “A campaña busca concienciar aos consumidores sobre a importancia de apoiar aos nosos pequenos comercios, que representan o 40% da facturación anual dos negocios”. Subliñou que “é unha oportunidade para dinamizar a economía das vilas da provincia, promovendo un ambiente festivo e alegre”, e resaltou “a importancia de mercar nos comercios locais fronte a outros formatos comerciais”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
