Ribadeo, 4 de decembro de 2024. Acisa Ribadeo repartirá 2.000 vasos entre os establecementos de ocio nocturno asociados para estas datas de Nadal, nas que estes locais poderán abrir dúas horas máis.
A presidenta de Acisa, Carmen Cruzado, indicou que “Acisa está a poñer todos os seus esforzos na campaña de Nadal, unha cita na que nos implicamos de xeito especial, xa que se trata dunhas datas de gran afluencia en Ribadeo, que cada ano se fai máis importante para o comercio e a hostalería ribadense, e que xera unha actividade económica inigualable. Todos os negocios están xa preparados para o comezo do Nadal, que se podería dicir que foi inaugurado a fin de semana pasada e que comezará de xeito efectivo dende esta ponte festiva. A hostalería está disposta para atender da mellor forma posible aos milleiros de persoas se achegarán á nosa vila. Por iso cada ano, desde Acisa Ribadeo, tentamos ir a máis e poñemos en marcha iniciativas como a que hoxe damos a coñecer: a entrega de 2.000 vasos para o ocio nocturno asociado”.
O xerente da asociación ribadense, Jesús Pérez, explicou, que “por por primeira vez imos repartir de xeito gratuíto 2.000 vasos de plástico irrompible ríxido de 500 cc, reutilizables, lavables e de materia prima 100% reciclable, que nace do compromiso da asociación cos nosos socios e socias do sector da hostalería do ocio nocturno, xa que queremos que os poidan usar nos seus establecementos nestas datas de Nadal. Somos conscientes ademais de que nesta época estes establecementos de ocio nocturno sofren unha perda importante de vasos de cristal, polo que poñemos á súa disposición un xeito de evitalo, ademais de traballar no compromiso de manter as rúas limpas e para evitar cortes ou accidentes innecesarios. Tamén queremos amosar o noso compromiso co coidado do medio ambiente”.
Cruzado Iglesias dixo que “estes vasos, que poñemos a disposición do ocio nocturno, como unha liña mais de traballo específico para un sector dentro da hostalaría, están pensados para quedar nos establecementos para o seu uso habitual, xa que son lavables e reutilizables, cun deseño precioso. Os vasos deberanse recoller nas oficinas de Acisa entre hoxe mércores e maña xoves, no noso horario de oficina, para que os teñan dispoñibles para esta ponte festiva. Insistimos en que están destinados para o ocio nocturno asociado”.
Na presentación dos vasos, que tivo lugar no photocall de Acisa na rúa Rodríguez Murias, participaron a presidenta e o xerente do colectivo empresarial ribadense xunto á concelleira de Comercio e Turismo, Marta Saiz.
Ampliacións horarias
A presidenta do colectivo empresarial ribadense, Carmen Cruzado, aludiu ás ampliacións horarias das que gozará a hostalería este Nadal: “parécenos moi interesante poder ofrecerlle este servizo aos nosos asociados e asociadas, deste xeito dáselles a oportunidade de poder traballar mais horas durante estas datas de gran afluencia turística onde as ceas de amigos e de familia, son moitas e as ganas de festexar e celebrar son aínda mais. Así tamén a veciñanza poderá gozar de mais horas de lecer na nosa hostalería. Queremos animar ás veciñas e veciños de Ribadeo e da nosa contorna e aos turistas que nos visitan a desfrutar do Nadal na hostalería ribadense, que ten moito que ofrecer, tamén polas noites, onde atopamos locais cun ambiente impecable, con persoal cualificado e trato amable, e por iso animamos a todas e todos a gozar do Nadal en Ribadeo, nos seus locais e nas súas terrazas”.
Cruzado Iglesias dixo que “con estas ampliacións horarias os locais hostaleiros gozarán dunha de 2 horas mais sobre o seu horario habitual de licenza. As ampliacións son as seguintes: os bares e cafeterías poderán pasar de pechar ás 02:30 a facelo ás 04:30 horas, as discotecas e salas de festas poden pasar das 06:00 ás 08:00 e os pubs das 04:00 ás 06:00 da madrugada”.
O xerente de Acisa, Jesús Pérez, indicou que “os establecementos de hostalería asociados a Acisa Ribadeo, contarán con dúas horas mais sobre a licenza habitual de peche todas as madrugadas dende o 22 de decembro de 2024 ao 6 de xaneiro de 2025 con motivo das festas de Nadal. Ademais súmanse as maduradas do 27 de febreiro ao 5 de marzo con motivo do Entroido, as madrugadas do 13 de abril ao 20 de abril con motivo da Semana Santa, as madrugadas do 11 ao 13 de xullo, con motivo do Ribadeo Indiano, as madrugadas do 15 ao 17 de agosto con motivo da festividade de San Roque, e as madrugadas do 1 ao 8 de setembro con motivo das festas patronais. Estas ampliacións horarias favorecerán ao sector asociado para poder exprimir ao máximo estes días de gran actividade económica”.
Pérez Prada engadiu: “no dia de hoxe comunicámoslles estas ampliacións das que poderán gozar todos os nosos asociados e asociadas”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
