Considera “crucial” que se celebre a Mesa de Alcoa e volve pedir que o Goberno tome en serio os traballadores e a industria galega, acometa medidas de baixada dos prezos enerxéticos e traballe coas compensacións de CO² como noutros países europeos
Santiago de Compostela, 10 de decembro de 2024. A conselleira de Economía e Industria, María Jesús Lorenzana, considerou “absolutamente dramático” que o Goberno central aprobe no Consello de Ministros de hoxe un proxecto de Lei de industria e autonomía estratéxica “illadamente da parte enerxética”.
“Chama a atención que hoxe se diga que se vai aprobar un proxecto de Lei de industria que pretende favorecer esa autonomía industrial en España cando unha das cuestións fundamentais para que a industria sexa autónoma e consiga ser estratéxica dentro de Europa é precisamente a baixada dos custos enerxéticos, no que non está traballando para nada o Ministerio”, argumentou.
Lorenzana indicou que esta é unha cuestión na que Galicia xa leva avanzado, así como en solicitar que se cualifiquen determinados proxectos singulares como estratéxicos para o país. Considerou, nesta liña, que a industria ten “moi pouco peso” no Goberno ao estar o Ministerio de Industria e Turismo “absolutamente supeditado á Vicepresidencia para a Transición Ecolóxica e o Reto Demográfico”, polo cal “ten agora mesmo moi pouca practicidade nas cuestións que poida regular”.
Abandono de Alcoa
“Pode darse toda a pompa que se queira a unha lei, pero, desde logo, as industrias en Galicia están por atender por parte do Ministerio”, dixo, e puxo como exemplo a situación da planta de Alcoa en San Cibrao logo da suspensión da reunión prevista para esta mesma semana.
“É vergoñento que o Ministerio de Industria e o Goberno central estean tratando así ás mais de 1.000 familias que dependen de Alcoa. Reclamamos unha vez máis que é crucial que se leve a cabo esa mesa” que a Xunta leva solicitando desde setembro, lembrou. “É unha falta de respecto absoluto cara aos traballadores”, enfatizou.
Lorenzana urxiu a “que o Estado tome en serio os traballadores e a industria galega, se acometan medidas de baixada dos prezos enerxéticos e se traballe coas compensacións de CO² como noutros países europeos”.
Neste contexto, puxo de manifesto o apoio da Xunta que, engadiu, “vai estar aí”, ao igual que o propio presidente Rueda, se finalmente asisten á esa xuntanza os ministros de Industria e Transición Ecolóxica.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
