Os mariñanos caen en Ibiza na 4ª eliminatoria da Copa do Rei, nun encontro no que lles faltou competitividade
Burela, 10 de decembro, 2024. O conxunto masculino do CD Burela FS enfrontouse ás 20.30h desta trade ao VDE Eivissa Gasifred Ciutat D’Eivissa no encontro da 4ª eliminatoria de Copa da S.M. O Rei, cun resultado final 6-3.
Primeira parte cun Burela que empeza ben pero despístase rápido encaixando un gol no minuto 2, Faly anota o primeiro tanto nun erro defensivo dos mariñáns que perden o balón en propia cancha. Catro minutos despois R.Ribeira logra empatar o partido nunha xogada de pizarra na que Charly saca de banda e o á brasileiro remata desde o segundo pau. Cando parecía que o Burela podía remontar, chega o 2-1 nun erro defensivo dos visitantes que aproveita Iker Fernández desde a área e un minuto despois Gastaldi anota o terceiro nun lanzamento longo que supera a Mika. A uns segundos do descanso o conxunto local anota o cuarto, un golazo de Faly nun lanzamento directo de falta.
Parece que sae con máis forza o Burela na segunda parte, sucédense as ocasións de gol nos primeiros minutos de xogo, nos que Pitero anota o segundo dos visitantes nunha boa combinación con R. Ribeira. Falta perigosa para o Burela no minuto 26 que defende ben o Ibiza reaccionando cun bo contraataque que se vai fóra rozando o pau. Bo bloqueo de Mika no minuto 31 nun disparo directo de falta dende os 10m que despexa o porteiro brasileiro coas mans. Roza o pau un disparo cruzado de Rikelme no minuto 32 e chega o 5-2, hat-trick de Faly que remata dende o segundo pau un pase de Iker Fernández nunha boa transición. Decide apostar David Rial polo xogo de 4 para 5 no a 3 minutos do final con Isma de porteiro-xogador, non sen antes probar con varias saídas de porteiro con Mika. Nunha recuperación de Buitre, en plena presión do Burela, fai un disparo longo e anota a portería baleira o sexto. A un minuto do final do partido, Charly consegue o terceiro recuperándoa en cancha rival, preto da área, e fulminando a portería cun bonito disparo frontal.
Remata a competición de Copa do Rei para o conxunto mariñán e só queda loitar pola permanencia en Primeira División para a próxima tempada, tarefa que de momento están cumprindo ben os nosos Pícaros que veñen de puntuar en Zaragoza por primeira vez fóra de casa hai dous días, cansazo que tamén se notou neste partido.
Ficha Técnica UD Ibiza Gasifred Ciutat D’Eivissa FS 6-3 CD Burela FS
UD Ibiza Gasifred Ciutat D’Eivissa FS (6): Álvaro; Faly, Iker FV, Miguel León, Oussama –cinco inicial-, Gastaldi, Vicent Valdés, Charly, Buitre, Caruso, Barbero, Martín Fraile. Entrenador: Jose Fernández Cortina.
CD Burela FS (3): Mika; Quelle, Pitero, Juninho, Alberto -quinteto inicial-, Araya, R. Ribeira, Isma (C), Charly, Malaguti. Entrenador: David Rial.
Goles: 1-0, min.2: Faly. 1-1, min.6: R. Ribeira. 2-1, min.10: Iker FV. 3-1, min.11: Gastaldi. 4-1, min.20: Faly. 4-2, min.21: Pitero. 5-2, min.32: Faly. 6-2, min.38: Buitre. 6-3, min.39: Charly.
Árbitros: Pablo Delgado Sastre, Antonio Navarro Liza, Juan Alberto Duaso Ortiz.
TA: Martín Fraile, Oussama, Quelle.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
