Será coa proxección de O Corno e Emoción, Vida e Teatro. A nave das Marías
A Fonsagrada, 12 de decembro de 2024. A asociación Abordelar en colaboración coa Academia Galega do Audiovisual e a área de Cultura da vicepresidencia da Deputación de Lugo, remata as sesións do ciclo Mestre Mateo na Fonsagrada.
O sábado 14, ás 20 horas, será o momento do filme de Jaione Camborda, O Corno, recoñecida en 2023 co premio da “Concha de Oro” do Festival Internacional de Cine de San Sebastián á mellor película e o premio Goya á mellor actriz revelación con Janet Novás.
E para pór fin, o domingo 15, ás 17 horas proxectarase o documental Emoción, Vida e Teatro. A nave das Marías. Producido pola ONG Ecos do Sur e dirixido por Saamira Ganay e Cris Andina. Esta peza é foi unha peza teatral creada no marco da ONG para darlle ás mulleres migrantes, nunha meirande parte latinoamericanas, un espazo de participación e visibilidade para promover procesos de sensibilización social no ámbito da igualdade de xénero.
O lugar de proxección será o Salón de Actos Municipal dos Chaos da Fonsagrada.
Dende Aborderlar queremos agradecer por adiantado a boa recepción da veciñanza e ás institucións que participaron no programa por facelo posíbel na Fonsagrada.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
