Este 15-D 100.000 persoas, segundo a organización, dirixida polas Plataformas en defensa da ría de Arousa e Ulloa Viva, 40.000 segundo a Policía Local compostelá (en calquera caso un mundo de xente) ateigaron a praza do Obradoiro e, simultaneamente, outros lugares da capital repenicando a grande demostración de Nunca Máis do 1-D de 2002, na denuncia da crise ecolóxica xerada polo afundimento do Prestige. Amosando que a cidadanía galega rexeita o proxecto GAMA de Altri-Greenalia e que o presidente Rueda ten enfronte nesta xeira aos sectores da sociedade galega máis preparados, produtivos, dinámicos e modernos.
Que pasou neste tempo para chegarmos a este divorcio entre o PP e estes sectores, que- hoxe si- representan ás maiorías sociais deste país?
Na época da pandemia (2021), en determinada equipa de tarefas promovida dende a presidencia e a entón vicepresidencia económico da Xunta a representación de Inditex enunciou como proxecto único e innovador, de auténtica economía circular, unha fábrica de fibras renovábeis empregando, nomeadamente, roupa fóra de stock ou usada que podía achegar a multinacional galega a medio de loxística inversa.
Mais este proxecto innovador e singular, universalmente aceptado por todas as forzas políticas e sociais mudou para se converter, substancialmente, nunha celulosa de papel do século XX. Unha industria de encrave que nin achegará integración na cadea produtiva nin valor á economía galega. Xa que logo, Inditex deixou de estar interesada e orientou a súa aposta de transformación circular da roupa usada e fóra de stock cara outros proxectos.
Daquela pairaba o moi probábel peche no medio prazo da celulosa de ENCE de Lourizán-Pontevedra, decidida pola chamada “Audiencia Nacional” e salvada nas dez de últimas por unha sentenza moi desaquelada do Tribunal Supremo. Este acontecemento distorsionou aínda máis o proxecto, tanto no que se refire ao seu terríbel impacto nas Terras da Ulloa, no val do Ulla e na ría de Arousa (precisará 46 millóns de litros diarios de auga, das que devolverá 30 millóns logo de tratados) como nas necesidades de fornecemento de eucalipto. Coas celulosas de ENCE en Navia e Lourizán o proxecto GAMA de Palas de Rei precisaría potenciar aínda máis a produción forestal galega cara o monocultivo do eucalipto. Velaí a oposición da propia ENCE e da compostelá FINSA, que traballa coa produción de pino.
Contra o proxecto arestora érguense todas as forzas políticas significativas no País (agás o PP), a maioría das alcaldías e gobernos locais da área xeográfica, os sectores mar-industria da Arousa, a hostalería que vive do Camiño Francés, as máis de 4.000 explotacións gandeiras da Terra de Melide, a Ulloa, Deza e Arzúa (velaí o nidio posicionamento da moi potente Denominación de Orixe dos Queixos de Arzúa-Ulloa), canda as entidades protectoras dos Camiños de Santiago, o ambientalismo galego (ADEGA, Ecoloxistas en Acción) e global (Greenpeace). Velaí as máis de 24.000!! alegacións presentadas na Xunta contra o proxecto, asinadas por máis de 500.000 persoas físicas e xurídicas. Por outra banda, tanto Ulloa Viva como a Plataforma en defensa da ría de Arousa amorean grupos, persoas e entidades moi diversos e plurais canto á súa orixe e adscrición social e política.
Velaí o grave erro do presidente Rueda, testán en descoñecer que a Ulloa e, en xeral, as bisbarras do centro de Galicia, non son ningún territorio baleirado, senón un espazo equilibrado con actividade económica diversa e rendíbel. E testán, tamén, en impor un proxecto condenado a non recibir financiamento vía PERTE next generation da Unión Europea e a non sair adiante, agás por vías propìas da imposición manu militari que, dende logo, non se albiscan no vindeiro futuro neste país.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
