Os senadores lucenses anunciaron esta iniciativa tras manter unha reunión na Cámara Alta co presidente da Cámara de Comercio de Lugo
Madrid, 19 de decembro de 2024. Os senadores do Partido Popular pola provincia de Lugo -José Manuel Barreiro, José Manuel Balseiro e Juan Serrano- recibiron na Cámara Alta ao presidente da Cámara de Comercio de Lugo, Jaime López, para abordar o proxecto de Altri de cara á implantación da fábrica de fibras téxtiles en Palas de Rei que coinciden en definir como “un proxecto central para o desenvolvemento industrial da provincia e a xeración de emprego”.
Ante a “preocupación” trasladada polo representante da Cámara de Comercio en relación ao desenvolvemento industrial da provincia, os senadores por Lugo reiteraron que “dende o Partido Popular defendemos a implantación do proxecto sempre que cumpra con tódolos requisitos establecidos nas distintas normativas, incluídas as de carácter medioambiental”. E avanzaron que, sobre esta cuestión, “formularemos unha pregunta en Pleno ao Goberno de Sánchez”.
Barreiro incidiu en que “un proxecto coma o de Altri ten que rexerse por criterios técnicos e medioambientais, non por opinións políticas. Non se pode dicir que non de entrada a un proxecto que pode favorecer o desenvolvemento da provincia. Hai que ver se cumpre todo tipo de requisitos”.
Durante a reunión tamén analizaron as respostas oficiais do Goberno de España ás preguntas formuladas polos senadores lucenses do Partido Popular ante as declaracións realizadas sobre o proxecto de Altri no seu momento polo secretario xeral do PSdeG-PSOE, José Ramón Gómez Besteiro, e a vicepresidenta segunda do Goberno de España, Yolanda Díaz.
“Mentres que algúns líderes políticos se posicionan en contra do proxecto de Altri por ideoloxía, nós defendemos o cumprimento do que establecen as normas”, sinalou Barreiro. Así mesmo, “tamén o Goberno de España en resposta oficial se posiciona a favor da implantación de novos proxectos industriais compatibles co cumprimento da normativa medioambiental, como non podía ser doutro xeito”, segundo subliña o senador lucense.
“Unha vez máis, o Goberno que preside o señor Sánchez desminte ao secretario xeral do seu partido en Galicia, o señor Besteiro, e amosa unha diferencia de postura con respecto a este proxecto fronte á súa vicepresidenta segunda e líder de Sumar”, conclúe.
OUTROS ASUNTOS
Os senadores e o presidente da Cámara de Comercio de Lugo aproveitaron a reunión de traballo para abordar outros asuntos que darán a coñecer nos próximos días.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
