Mondoñedo, 19 de decembro, 2024. A Fundación Eduardo Pondal xunto aos centros educativos das localidades de Ponteceso e Mondoñedo conmemoraron esta mañá o Himno de Galicia ante o panteón de Pascual Veiga no cemiterio vello da cidade episcopal, coincidindo co 117 aniversario da súa estrea no Teatro Tacón de La Habana, o 20 de decembro de 1907.
Alumnos dos CEIP Eduardo Pondal, As Forcadas e Ávaro Cunqueiro cantaron esta composición acompañados dun cuarteto da Escola Municipal de Música de Mondoñedo “O Pallarego”, nun acto simbólico que ambas localidades celebran, alternándose cada ano.
A esta homenaxe asistiron o secretario xeral da Língua, Valentín García, o alcalde de Mondoñedo, Manuel Otero, a concelleira de Cultura de Ponteceso, Raquel Fondo, concelleiro de Cultura de Mondoñedo, Alberto García, ademais do presidente da Fundación Eduardo Pondal José María Varela e a directora do CEIP Álvaro Cunqueiro, Teresa Freire.
O secretario xeral da Lingua, Valentín García, lembrou aos rapaces a importancia para Galicia do seu himno, como un dos símbolos de identidade, xunto coa língua e a bandeira, e destacou o papel de Mondoñedo como un dos corazóns culturais de Galicia. O Concelleiro de Cultura da localidade anfitrioa felicitou aos rapaces e profesores por participar neste acto simbólico, e a directora do Álvaro Cunqueiro emprazou aos rapaces a ser o futuro do noso Himno, para que perviva 100 primaveras máis, remarcou o secretario xeral.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
