A súa elección tivo lugar nun congreso no que a agrupación local estivo arroupada polos dirixentes da formación político-xuvenil de Galicia e da provincia de Lugo, deputados e senadores, compañeiros do PP de Viveiro e de concellos da comarca
Viveiro, 23 de decembro de 2024. Gabriel Timiraos foi elixido presidente de Novas Xeracións de Viveiro nun congreso local da formación político-xuvenil que contou coa participación da presidenta de Novas Xeracións de Galicia, Nicole Grueira, o presidente de Novas Xeracións da provincia de Lugo, Miguel Gallego, a presidenta do PP local, Mariña Gueimunde, alcaldes da zona, deputados, senadores e máis compañeiros da formación popular.
O novo responsable de Novas Xeracións de Viveiro, filólogo de 26 anos, toma as rendas da agrupación local co obxectivo de “traballar duro para que Viveiro volva ser o que un día foi. Queremos volver a ter un Viveiro que brille na Mariña con Mariña”.
Timiraos defende “a aposta do Partido Popular pola xente nova” e sinalou que “comezamos unha nova etapa cun proxecto renovado e próximo”, pois “temos que escoitar a opinión de todos porque só así podemos facer unhas Novas Xeracións de todos e para todos”.
A presidenta e portavoz municipal do PP de Viveiro, Mariña Gueimunde, amosouse “moi orgullosa deste grupo de rapaces e rapazas e senten a necesidade de proxectar a súa voz, defender os seus dereitos e loitar xuntos pola xuventude de Viveiro. Son un reflexo de que hai mozos e mozas preocupadas polo seu futuro e o da terra que os víu nacer, conscientes da desastrosa xestión do goberno do PSOE e do BNG. Somos moitos os que queremos espertar dun mal soño”.
O presidente de NNXX da provincia, Miguel Gallego, subliñou que “estamos traballando na renovación das agrupacións locais e en menos de catro meses estamos comezando a ver cumpridos algúns dos nosos obxectivos”. O Congreso de Novas Xeracións de Viveiro é o primeiro que se celebra trala renovación da directiva da formación provincial a comezos do pasado mes de setembro.
A XENTE MOZA DE GALICIA ESTÁ CO PARTIDO POPULAR
A presidenta de Novas Xeracións de Galicia, Nicole Grueira, destacou que “o novo congreso de Viveiro reflexa a fortaleza da organización e tamén demostra que a xente moza está co Partido Popular. Dende NNXX de Galicia seguimos percorrendo o territorio, sumando e traballando polo futuro da mocidade galega”.
COMITÉ DE DIRECCIÓN NNXX VIVEIRO
O comité de dirección que preside Gabriel Timiraos estará integrado por: Alejandro González (secretario xeral), Sofía García (secretaria de organización), Saray Ventura (coordinadora), Samuel Sánchez (vicesecretario de sanidade), Claudia Prieto (vicesecretaria de deportes), Jorge Gómez (vicesecretario de mar), Lucía Peña (vicesecretaria de redes e comunicación), Cristina García (vicesecretaria de Acción Política), Mikel Chao (vicesecretario de Políticas para a Xuventude) e Pablo Varela (vicesecretario de Acción Social).
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
