As Pícaras impóñense no Martín Freire, cuns complicados primeiros 15 minutos e abrindo un festival de goles no minuto 19
Burela, 4 de xaneiro, 2025. Ás 13.00h desta tarde, 12.00h en canarias, celebrouse a 15ª xornada da liga de Primeira División Iberdrola FS, o Gran Canaria FSF Teldeportivo – CD Burela FS, partido que se aprazou e que se xogaría o 21 de decembro, antes de Nadal, data na que se xogaron os demais e na que o Futsi caeu ante o líder da táboa, o que permitiu hoxe empatar ao conxunto mariñán empatar a puntos coas súas eternas rivais madrileñas. O encontro disputouse no Pavillón Martín Freire e finalizou cun resultado 2-9.
Primeira parte complicada nun inicio para o conxunto de Julio Delgado, que non logra poñerse por diante no marcador nos primeiros 16 minutos, pero conseguindo manter o empate ata entón, con bastantes ocasións que non lograron finalizar con tino. No minuto 19 Emilly consegue adiantar o marcador e abre paso a un festival de goles por parte do conxunto visitante chegando ao descanso cunha vantaxe de 3 tantos. No minuto 2 Paola aproveita un erro defensivo de Cami e anota o primeiro chegando soa á portería defendida pola brasileira Ana Eliza. Tras varias ocasións do Burela, dúas clarísimas de Emilly e Cilene que salva a porteira, chega o empate cun disparo imparable de Patricia nunha moi boa combinación con Cilene que lla coloca á perfección nunha bonita deixada fóra da área. Mantense o 1-1 ata o minuto 16 no que Virginia volve avantaxar ás canarias anotando o segundo nunha boa combinación con Susana nunha transición tras un roubo. Pero segundos despois Cilene logar empatar de novo cun golazo por toda a escuadra nun disparo afastado tras un saque de esquina de Carolina Pedreira e pase de Cami que lla coloca á perfección. A un minuto de rematar o encontro Emilly desata a tolemia cun golazo nunha xogada invididual pola banda que culmina coando o balón por toda a escuadra. Segundos despois Dinha anota o 2-4 rematando dende a área un disparo de Dany e aínda quedaba tempo para o 2-5, un gol de Débora que a coa entre a defensa rival nun disparo frontal case desde o bordo da área.
Arrinca a segunda parte cun Telde ofensivo pero que non logra vencer o dominio de xogo das pupilas de Julio Delgado. A 4 minutos do inicio deste segundo tempo chega o sexto do Burela e o segundo de Emilly que logra vencer a Mariona nun rexeite tras un primeiro disparo nunha boa combinación con Antía Pérez. Aposta polo xogo de 5 para 4 o conxunto canario xa no minuto 25 tentando aumentar as opcións de xerar tiros a porta. Pero logo chegan outros dous tantos por parte do conxunto burelense no ecuador destes segundos 20 minutos. Primeiro un golazo de Dinha que a axusta ao pau cunha boísima paralela tras un pase de Carolina Pedreira e o 2-8 cun remate de Patricia dende o segundo pau a un pase de Débora tras unha boa combinación con Carolina. Mantense o marcador nos seguintes minutos ata que chega o noveno das burelenses e o hat-trick da Máquina Emilly que vence a Mariona na área nunha boa combinación con Débora Lavrador. Remata o encontro cun resultado final 2-9.
O conxunto feminino do CD Burela FS consegue empatar con 40 puntos ao Futsi na táboa clasificatoria, colocandose segundas e volven á casa para prepararse para o próximo partido, primeiro partido deste 2025 en Vista Alegre, o sábado 11 de xaneiro, ante un perigoso rival, o STV Roldán, ás 18.45h
Ficha Técnica Gran Canaria FSF Teldeportivo 2-9 CD Burela FS
Gran Canaria FSF Teldeportivo (2): Mariona; Collado, Susana, Virginia, Paola, –cinco inicial-, Idoya, Gema, Ra, Unami, Thais, Jacke, Myrielen. Entrenador: Cristina Gimeno.
CD Burela FS (9): Caridad; Dany (C), Cami, Antía Pérez, Emilly – cinco inicial-, Carolina Pedreira, Patricia, Cilene, Débora, Noelia Montoro, Dinha, Caridad. Entrenador: Julio Delgado.
Goles: 1-0, min.2: Paola. 1-1, min.6: Patricia. 2-1, min.16: Virginia. 2-2, min.16: Cilene. 2-3, min.19: Emilly. 2-4, min.20: Dinha. 2-5, min.20: Débora. 2-6, min.24: Emilly. 2-7, min.29: Dinha. 2-8, min.29: Patricia. 2-9, min.33: Emilly.
Árbitros: Davinia Dorta Figueroa, Carmen Gara Rodríguez Morales, Daniel Navarro Hernández e Laura Cabrera Rodríguez.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
