A data prevista para o remate das obras era finais do 2024, pero “a comezos de decembro, coa obra a medias, a empresa adxudicataria paralizou a obra e retirou a maquinaria co conseguinte enfado dos veciños e veciñas debido a que “os accesos ás súas vivendas quedaban sen rematar”
Viveiro, 8 de xaneiro de 2025. O PP de Viveiro esixirá ao goberno bipartito municipal explicacións sobre a obra de humanización na rúa Porto de Celeiro. Concretamente, os populares cren que os veciños e veciñas merecen explicacións sobre “os motivos da súa paralización, os cambios no orzamento de licitación da obra, as medidas previstas polo goberno para rematar os traballos e o prazo de entrega desta actuación”.
Os populares lembran que “en abril do ano 2023 o goberno local anunciou a bombo e platillo un plan de humanización do porto de Celeiro” cuxas obras se levarían a cabo a través dun convenio entre a Deputación de Lugo e o Concello de Viveiro.
“A finais do ano 2023 iniciouse a licitación da obra que, tras quedar deserta nunha primeira licitación, se adxudicou nunha segunda rolda por un estreito marxe”, advirte a portavoz, Mariña Gueimunde.
O pasado mes de xullo, pouco antes da semana de festas de Celeiro, iniciouse a obra de reforma integral da rúa Porto de Celeiro. A data na que estaba previsto o remate da obra era finais do 2024.
A principios de decembro de 2024, coa obra a medias, a empresa adxudicataria paralizou a obra e retirou a maquinaria. Isto provocou “o enfado dos veciños e veciñas” que manifestaron a súa molestia por deixar as obras a medias e, polo tanto, “os accesos ás súas vivendas sen rematar”. Unha situación que é “un claro prexuízo para os veciños e veciñas e, especialmente dificultosa para moitos dos residentes deste barrio que son de avanzada idade”, subliña a popular.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
